Қарағанды қаласының білім бөлімінің «Ziatkerlik modernizasia - 20» жобасының академиялық күнтізбесіне сәйкес «Мұражай сабақтары» мектепішілік жобасы қыркүйек айындағы жоспарлы «Саттаровтану» айлығын өткізді.
Қазақтың біртума перзенті, ағарту саласының ардагері Сләмия Саттаровқа арналған музейде отбасының жеке мұрағатындағы фотосуреттер мен құнды құжаттар қойылған. Сондай-ақ білім саласын дамытуға қатысты әртүрлі тақырыптағы жарияланымдар да бар. Осыған орай қыркүйек айында ардагер ұстаздарымыз және Сләмия Саттаровтың ұрпақтары келіп, музейде еске алу кеші ұйымдастырылды. Мектеп табалдырығын алғаш аттаған төрт 1-сынып оқушыларына мектепті және мұражайды таныстыру жұмыстары жүргізілді. Саттаровтанушы орта буын оқушылары сабақтарын жалғастырды. Тәжірибеленуші студент жастарға 10 «Ә» сынып оқушысы Шайхбек Мөлдір мектебімізге есімі берілген, педагогикаға еңбегі сіңген ұстаз – Сләмия Саттаров мұражайына саяхат ұйымдастырды.@goroo_krg @umckrg