Құрметті ата-аналар!!!
Жаңа 2023-2024 оқу жылына дайындық аясында мектеп-лицейімізде "Жалпыға бірдей білім беру" қорынан материалдық көмек көрсету жұмыстары басталды. «Жалпыға бірдей білім беру» қоры келесі санаттағы оқушыларға көмек көрсетеді:
1) Атаулы әлеуметтік көмек алатын оқушыларға;
2) Жан басына шаққандағы табысы ең төменгі күнкөріс деңгейінен төмен отбасылардағы оқушыларға;
3) Жетім балалар мен ата-анасының қамқорлығынсыз қалған оқушыларға;
4) Төтенше жағдайға тап болған оқушыларға.
Биылғы жаңа оқу жылында ақшалай көмектің мөлшері - 40 567 теңгені құрайды.
Ақшалай қаражат ата-аналарға балалармен бірге мектеп формасын, аяқ-киім, кеңсе тауарларын және басқа да қажетті заттарды өз бетінше таңдауға мүмкіндік беру мақсатында ата-аналардың карточкалық шотына аударылады. Бұл отбасыларға қажетті оқу құралдарын сатып алуға және балаларды оқу жылының сәтті өтуі үшін қажетті заттардың бәрімен қамтамасыз етуге мүмкіндік береді.
Бұл қаражаттың мақсатты пайдаланылуын қамтамасыз ету үшін ата-аналар 15 күн ішінде балаға сатып алынған мектепке қажетті тауарлардың есебін беруі үшін шығындарды растайтын чектар немесе түбіртектерді тапсырулары қажет.
Мұндай бақылау жүйесі бөлінген қаражаттың ашықтығы мен мақсатты пайдаланылуына кепілдік береді.
Материалдық көмек көрсету - балаларға жаңа оқу жылын сенімділікпен бастауға мүмкіндік береді.
❗❗❗Құрметті ата-аналар, ең алдымен АӘК алу үшін Бұқар жырау даңғылы, 51/4 мекен-жайында орналасқан "Жұмыспен қамту орталығына" немесе Egov.kz сайты арқылы электронды өтініш бересіздер. Өтінішті қарастыру мерзімі- 15 күн. "Жұмыспен қамту орталығынан" ресми түрде жауап алғаннан кейін ғана мектеп-лицейге келіп, "Жалпыға бірдей білім беру" қорынан материалдық көмекке өтініш бере аласыз.
❗❗❗Сұрақтар бойынша келесі телефон номеріне хабарласа аласыздар: 87089685671 ( әлеуметтік педагог Жумашова Кымбат Егинбаевна)
Авторство:
