С.Саттаров атындағы №57 мектеп-лицейінде   «Денсаулығым керемет – жаттығуға көп рахмет!» атты ұранмен денсаулық аптасының жоспары жасалып, барлық іс-шаралар жоспарға сай өтті. Мектептің ауласында 6-11 сыныптар (407 бала) қатысқан мерекелік жиын өтті. Жиында мектеп-лицей директоры Т.Қ.Нұғманов жас ұрпақтың денсаулығын нығайтуға, салауатты өмір салтын қалыптастыруға байланысты құттықтау сөз сөйледі.

       Барлық оқушыларға әр-түрлі жаттығуларды сыртқы алаңда дене шынықтыру пәні мұғалімдері О.Мусин, Г.Зейнуллина жасатқызды. 9-11 сыныптар аралығында дене шынықтыру пәні мұғалімдері А.Мұқажанов пен О.Мусиннің басшылығымен футбол ойналды.   6 сынып жетекшілері және дене шынықтыру пәні мұғалімдері О.Мусин, Г.Зейнуллина «Көңілді мәре» сайысын (ұлттық ойындар) өткізді. Шахмат клубының мүшелері арасында шахматтан жарыс өтті. Жарысты ұйымдастырған клуб жетекшісі  А.Байбалкенова.

        7 сыныптар  арасында Г. Зейнуллина «Көңілді мәре» ойынын өткізді. 10-11 сынып қыздары арасында  волейболдан сайысты  Теміржанов Ж. ұйымдастырды. Сынып жетекшілері 6 сынып оқушыларынан «Денсаулығым керемет – жаттығуға көп рахмет!» атты тақырыпта диктант алды. Мектептің медбикесі С.Искакова 8 сынып оқушылары арасында «Біз салауатты өмір салты үшін!» атты тақырыпта әңгіме жүргізді.

       Мектеп ауласында іс-шаралар жүріп жатқанда музыка ойнап тұрды.Денсаулық апталығы мектеп бойынша жоғары деңгейде ұйымдастырылды.