2022 жылдың 23 қарашасында мектеп-лицейде Алаш қозғалысының құрылғанына 105 жыл толуына ұйымдастырылған «Тәуелсіздік – Алаш ұраны» атты шара өтті. Шараның бірінші бөлімінде тәуелсіз ел ұландары ән шырқап, күй жарыстырып, көрініс қойды. Екінші бөлімнің тізгінін Е.А. Бөкетов атындағы Қарағанды мемлекеттік университетінің қазақ әдебиеті кафедрасының профессоры, филология ғылымдарының докторы - Смағұлов Жандос Қожахметұлы мен ақын, ҚР жазушылар одағының мүшесі, облыстық "Орталық Қазақстан" газетінің бас редакторы орынбасары – Мукаев Ілияс Дүнгенбайұлы алды. Ғалым алаш қозғалысы мен А.Байтұрсынов туралы ғылымдағы тың деректермен бөліссе, ақын тыңдармандарға өлеңдерін оқып берді. Кездесудің жас ұрпақ үшін рөлі мен маңызы зор болды.