Бүгін 5 сынып оқушылары "Өнегелі өмір" жобасының аясында академик Е.А.Бөкетов атындағы Қарағанды университетінің жастар орталығында "Good Way" волонтерлік клубы волонтер студенттерімен және философия және психология факультеті, әлеуметтік жұмыс және әлеуметтік педагогика кафедрасының аға оқытушысы, магистр Ахметова Индира Әбдіғазымқызымен кездесіп қайтты. Кездесу барысында оқушылар волонтерлер туралы түсінік алып, волонтер студенттердің жасап жатқан жұмыстарымен танысты. Болашақта жас жеткіншектеріміз де волонтер қатарына қосылып, экологиялық акцияларына қатысатын болды. Ұйымдастырушыларға алғыс айтамыз.