Флипчарт үлгісіндегі  сабақтар оқушыларға өте тиімді деп ойлаймын. Себебі оқушылардың  қызығушылығы артады және  берілген мектеп бағдарламасына сай  материалдарды терең меңгереді. Есте сақтау қабілеті арта түседі.

Күтілетін нәтиже: оқушылар зат есімнің грамматикалық категориялары туралы толық меңгереді, сөйлем арасындағы зат есімдерді сұрақ қою арқылы бірден таба алады.

  9–сыныптарда «Әдебиет әлемі» атты интеллектуалдық  сайыс сабақ  өткізілді.

Отанымызды құрмет тұтуға, тілімізді, дінімізді жандандыруға үлес қосуға тәрбиелеу,  ұшқыр ой айта білуге, өз ойын жүйелі сөзбен жеткізе білуге тәрбиелеу.

Тілдер мерекесіне арналған 6- сыныптар арасында  «Ана тілі- білімнің кілті» деген тақырыпта интеллектуалдық жарыс өткізілді.

Оқушылардың ана тілін құрметтеуге, ұлттық тіл ретінде бағалауға, оны туған Отанында аға тіл дәрежесіне көтеретіндей қызмет жасауға үйретуге бағытталған іс- шаралардың бірі.

Жас ұрпақты ана тілінің қадір – қасиетін түсіне білуге шақыру. Олардың  халқына деген сүйіспеншілігін, тіліне деген құрметін арттыру.

Оқушылар сайыс сабаққа қызығушылықпен қатысты. Оқушылар шығармашылық жұмысқа белсене қатысып, 5 жолды өлең құрастырды. Тіл туралы өлең –жырларды мәнерлеп оқыды, 6 «В» сынып оқушысы Әбдуақас Нұрғиса  «Балқадиша» әнін нақышына келтіріп орындады. Сонымен қатар  6 «А» сынып оқушысы Тұрар  Әділбек «Көңіл толқыны» күйін орындап өз өнерін ортаға салды.  Тапқырлар тобы мен алғырлар тобы да өз білімдерін ортаға салып, белсене қатысты. Соңында әділ- қазылар алқасы кезеңдер бойынша бағалап, саралап, орынға ие болған  оқушыларды мақтау қағазымен марапаттап, сыйлықтар берілді.