Сләмия Саттаров атындағы №57 мектеп-лицейінің педагогикалық ұжымы -50 мен 11-10 сынып -103 оқушылары бүгінгі Елбасымыз Нұрсұлтан Әбішұлы Назарбаевтың интерактивті лекциясын тыңдады. Ондағы Елбасымыздың қозғаған мәселелері «Жалпыға Ортақ Еңбек қоғамына қарай 20 қадамының» аясында болды. Өзек жарған мәселелер еңбек пен білім жайлы сөз қозғалды. Ел Президентінің еңбек жайлы талқылауы, «Әлемнің әміршісі - еңбек» екеніне көп көңіл бөлді. Республикамыздың экономикасын дамытуға әр адам міндетті және де оған бар мүмкіндік жасалған. Елбасымыздың өзі бізге үлгі болады. 18 жасынан бастап аянбай еңбек етіп, соның арқасында металлургттан бастап сондай биікке, Президент деңгейіне жетіп қана қоймай, мемлекетіміздің егемендігін алып, аз ғана 20 жылдың ішінде еліміздің жоғары деңгейде дамып, Азия мен Европа елдерінің қатарына көтеріп, дамушы елдер қатарына қосты.

Еліміздің әрі дамуына еңбек күші, квалификацияланған жұмысшылар, ғылымның дамуына жас мамандар қажет. Халықтың жұмыссыз қалмай, жеке кәсіп ашуына, индустриялық-инновациялық экономика жағдайында өмір сүруіне бар жағдай жасалған. Мысалға, қазіргі кезде үйлердің өзі жалға беріліп, кәсіпкерлерге түрлі несие, депозиттер беріледі. Сол мүмкіншіліктің арқасында казіргі таңда әр адам өзінің жеке кәсібін ашып жас мамандарды қабылдауға зор мүмкіншілік жасалған.

Жас ұрпақтың балабақщадан бастап, қазіргі кезде ашылған түрлі интеллектуалды мектептер, жоғары оқу орындарына түсіп, жоғары деңгейде білім алып, өз елімізде ғана емес басқа да жоғары дамыған мемлекеттердегі кәсіби мамандықтарда оқуға бар жағдай жасалған. Президентіміз жастардан үлкен үміт күтіп отыр.

Қазіргі уақытта тек қана жеткілікті жағдайда өмір сүруге ғана емес оған қоса  балаларының оқуына, жоғары білім алуына барлық мүмкіндік жасалған. Әрбір отбасы осылай көркейе берсе біздің мемлекетіміз де жоғары дәрежеге көтеріледі.

Бізге дейін ата–бабаларымыздың бізге қалдырған аманатын сақтап әрі көбейту керекпіз.

Жастар – ел болашағы!

Осындай лекциялар өткізу арқылы жастарымызға сенім артып, жағдай жасағанына Елбасымызға шексіз алғысымызды білдіреміз!