2012 жылдың 13 наурызы күні Сләмия Саттаров атындағы №57 мектеп-лицейде «ҰБТ тапсырмаларын талдау және шешу жолдары» тақырыбында қалалық семинар өтті. Семинарға қала мектептерінің физика пәні мұғалімдері қатысты. Семинар бағдарламасы бойынша осы мектеп-лицейдің жоғары санатты физика пәні мұғалімі  Ш.К. Сатенова  ҰБТ мен негізгі мектепті бітірушілердің білімін сырттай бақылау  бойынша тест тапсырмаларына қойылатын әдістемелік талаптар  мен оқушыны апелляцияға негізді түрде қалай беруге болатыны жайлы өз іс-тәжірибесімен бөліссе,  №39мектеп-гимназиясының  физика мұғалімі  Г.Р. Алимжанова  белгілі бір тарау бойынша ҰБТ тапсырмаларын орындау мәселелері жайлы сөз қозғады. Семинар өзектілігімен, қажеттілігімен тартымды өтіп, тыңдармандар ризашылықтарын білдірді.