08.10.11 күні С.Саттаров атындағы №57 мектеп-лицейінде «Ұстаз ұлы есім» атты тәрбие сағатын 5 «Б» сыныбында химия пәні мұғалімі Жайназарова Марал Жанабиловна өткізді. Бұл тәрбие сағатына сынып оқушыларының ата-аналары және  ұстаздары қатысты. Оқушыларының тапқырлығы мен өнеріне тәнті болған сыныптың алғашқы ұстазы Айнұр мұғалім тебірене сөз сөйлеп,  зор алғысын білдірді. Бұл тәрбие сағатынан ұстаздар да, ата-аналар да үлкен әсер алып ризашылықпен тарасты.

 

Сабақтың мақсаты:Ұстаздарды мерекелерімен құттықтау, үлкенді, ұстазды

сыйлау, адамгершілікке тәрбиелеу, ата-ана, ұстаз оқушы арасындағы байланысты нығайту,оқушыға рухани тәрбие беру

Сабақтың түрі: әдеби- музыкалық бағдарлама

Әдіс тәсілі:Өлеңдер оқу, тақырыпқа байланысты әндер айту

Көрнекілігі: Ұстаздар туралы жазылған нақыл сөздер, өлеңдер

Эпиграф:

 «Сауысқанның тамағы

Шоқуменен табылған

Өнер, білім бәрі де

Оқуменен табылған      

Оқысаңыз балалар

Шамнан шырақ жағылар

Тілегенің алдыңнан

 Іздемей-ақ табылар   Ы.Алтынсарин

Сабақтың барысы:

1.     Ұйымдастыру

І-жүргізуші:

Ұстаз! Осы бір сөзге терең үңілсек қаншама мән –мағынасы бар, қасиетті ұғым екеніне көз жеткіземіз. «Жақсы мұғалім –мектептің жүрегі» деген Ы. Алтынсарин атамыз. Жүрексіз өмір болмаса,мұғалімсіз білімнің , тәрбиенің іске аспайтындығы белгілі.

ІІ-жүргізуші: Ұстаз –ұлы есім. Себебі ғылым иесі ғалым да, ел қорғаған батыр да,тілінен бал тамған ақын да, мал бағып тер төккен шопан да,көк күмбезінен әрі өткен ғарышкер де, бәрі –бәрі ұстаздан тәлім алған, сондықтан бүгінгі барлық құрмет ұстаздарға араналады

І-жүргізуші:

Армысыздар, Ұстаздарым -әз жандар

Білім іздеп инемен құдық қазғандар

Құшақ жая қарсы аламыз сіздерді

Би де билеп, әнде бүгін шырқалар

ІІ-жүргізуші:

Ұстазым-саф алтын , діңгегім,

Мәңгілік өзіңмен біргемін

Бүгінгі мереке күніңе

Сәл ғана құрметім бұл менің.

Сіздердің назарларыңызға құрметті ұстаздар 5»Б» сыныбының орындауында хор «Ұстазым». Қабыл алаңыздар

(Әділет пен Айгерімнің  орындауында «Тұрыңыздар , келе жатыр мұғалім!»)

І-жүргізуші:

Үйретіп өмір ұстамын,

Үлгілі іске нұсқадың

Ақ көңіл іскер қашанда

Ақылшым менің –ұстазым

ІІ-жүргізуші:

Жамандықтан сақтандырған

Жақсы ісімді мақтан қылған

Білім берген ұстаздарды

Өнерімен шаттандырған-дей келе Нұрсұлтанның орындауында «Қалқатайдың даусы» әнін қабыл алыңыздар.

ІІ-жүргізуші:

Ұстазға әркім басын ию керек

Кемеңгер ақылды деп білу керек

Сен бүгін керемет боп кетсең дағы

Жеткізген осы күнге ұстаз деп білу керек.

 Аяулы ұстаздардың құрметіне «Қара жорға» биі

ІІ-жүргізуші:

Шәкірттерін азамат қып саналы

Ұстаз-ана , дана бола алады

Ең бастысы ұстаз мына өмірде

Ұлағат боп, ұлылық боп қалады

Литва халқының күйі «Кубилас» Орындайтын Балтабекова Адия

І-жүргізуші:

Ұстаз болу –жүректің батырлығы

Ұстаз болу –Сезімнің ақындығы

Ұстаз болу –мінездің күн шуағы

Азбайтұғын адамның алтындығы

ІІ-жүргізуші:

Биік сенің ұсатаздық қасиетің

Мінезің жоқ қиынға бас иетін

Өмірге тәрбиелеп құлшындырған

Жадымызда сақталады өсиетің

І-жүргізуші:

Ән «Ұстазым» Орындайтын Дана, Нұрсұлтан, Амина

І-жүргізуші

Ұстаздардың шаршамайтын еңбегіне таң қалам

Ұлылықпен ,даналықпен өмір заңын талдаған

Талай ғасыр құпиясын ашып келген ғаламның

Сол арқылы сүйемін мен қасиетін даламның

ІІ-жүргізуші:

Сол ұстаздың мерекесі елім бүгін тойлайтын

Жақсы тілек ,адал ниет ұстазға әркез ойлайтын

Мен де қосам сол тілеке биіктерден асатын

Бақытты боп жанұясы, ұстаз мәңгі жасасын

І-жүргізуші:

Назеркенің орындауында сіздер үшін құрметті ұстаздар  «Угай-угай» әні

 

 

І-жүргізуші:

Тіршіліктің тылсымын ашу үшін жаралған,

Ұстаз қымбат ,ұстаз биік қадірлейтін бар адам

Ұстаз берген өнегемен өлшенеді дүние

Ұстаз берген өнегемен қаланады бар арман

ІІ-жүргізуші:

Әл-Фараби ,Абайлар да осы ұстаздан нәр алған

Ұстаз қымбат бұл өмірде, ол-ерекше жаралған

Абыройы асар биік, төбесіне күн тиген,

Өлеңменен кім бар екен ұстаз орнын таба алған

( тақпақ айтатын оқушылар шығып тақпақтарын айтады,

Сөз сөйлесе жарқын-ақ

Күніміздей жарқылдап

Қызық өтіп сабағы,

Өсіреді ой-сананы

Біздермен ойнап күледі,

сырымызды біледі.

Қасымызда қашанда

Қамқор болып жүреді

Кемшілікті кезінде

Кесіп айтар өзіңе

Өнеге мол сөзінде,

Көңілінің хошын-ай

Көп шәкірттің досындай

Ақ ниетті, кең пейіл

Айнұр мұғалім,осындай!

(Алғашқы ұстаз Айнұр мұғалімге сөз беріледі)

І-жүргізуші: сіздің құрметіңізге Айнұр мұғалім «Ұстазым» әнін қабыл алыңыз. Орындайтын Масағұтова Асыл

Мұғалім: Құрметтің анасының орындауында  «Айғанайым»

Мұғалім: Мұғалімнің құттықтау сөзі

5 «Б» сыныбының орындауында, құрметті ұстаздар,  «Улыбка» биі сіздердің құрметтеріңізге

ІІ- жүргізуші: Аяулы ұстаздарға үлкен рахмет айта отырып, көріскенше күн жақсы демекшіміз.