05.12.2023 жылы облыстық Білім басқармасының жұмыс жоспарына сәйкес "№25 ЖББМ" КММ базасында "Отбасы-тәрбиенің алтын бесігі" атты облыстық форум өтті. Форумға Қарағанды облысының ОӘО әдіскері У.Т.Дауыпбаева, Қарағанды қаласы Білім бөлімінің әдіскері У.Н.Исатаева, "№25 ЖББМ" КММ директоры С.Ж.Ескеева, директордың ОТЖ орынбасары Т.Я.Матюхина, мектептердің инклюзивті білім беру мамандары, мемлекеттік емес ұйым өкілдері, ата-аналар қауымы қатысты. Мектептің ерекше білім беруді қажет ететін оқушылары мен мұғалімдері «Біртұтас тәрбие» бағдарламасын жүзеге асыруда қонақтардың назарларына өлең оқып, ән айтып, би билеп, қазақ халық ертегілерін сахналап, ұлттық ойындармен және халықтық қолданбалы өнер көрмесі ұсынып, үлкен концерттік бағдарлама көрсетті. Форумға белсене ат салысқаны үшін әлеуметтік серіктестерімізге, "№4 МИ" КММ, «Алмагүл» бөбекжай-бақшасы» КММ ұстаздары мен оқушыларына алғысымызды білдіреміз! Мектеп әкімшілігі мен педагогикалық ұжымына, "Дара" қайырымдылық қорына және "Марс Қазақстан" демеушісіне ата-аналар мен оқушылар тарапынан айтылған алғыс сөздері алдағы уақытта жұмысымызды одан әрі жігерлендіре түседі деп сенім артамыз. Ұлы ұстаз В. А. Сухомлинскийдің "Отбасы болмаса, біз - дәрменсіз болар едік" деген ұлы сөзі бүгінгі өткізілген іс-шарамыздың айқын дәлелі.