Екі апта бойы "№25 ЖББМ" КММ әкімшілігі пән мұғалімдерінің қатысуымен параллель сыныптармен ата-аналар жиналысын өткізді. Ата-аналарға: мектептегі оқу-тәрбие процесін ұйымдастыру; рұқсатнамалық тәртіп бойынша (БҒМ №117 бұйрығының негізінде); тамақтану мен ас мәзірін ұйымдастыру, ас блогын бейнекамералармен жабдықтау, бракераж комиссиясының жұмыстары бойынша түсініктемелер берілді;
Ата-аналарға асханада үш жолмен: қолма-қол ақша, QR код және терминал арқылы пластикалық картамен төлем жасауға болатыны туралы ақпарат айтылды. Ата-аналарға сабақ кестесі және үй тапсырмасының өлшемі туралы да ақпарат таныстырылды; Мектеп директоры жан басына шаққандағы қаржыландыру бойынша есеп берді. Мектеп психологтары психологиялық қызмет туралы Ережедегі өзгерістермен таныстырды (БҒМ 2022 жылғы 25 тамыздағы №377 бұйрығы). Жиналыс барысында ата-аналар өздерінің көкейінде жүрген барлық сұрақтарға жауап алды, мектебіміздің одан әрі дамып, гүлдене беруіне тілек білдіріп, танысқан ақпараттары үшін алғыстарын білдірді.