Мен ұсынар бір кітап…

10 сәуір күні № 4 жалпы білім беретін мектепте “ZIATKERLIK MODERNIZASIA-23” жобасы аясында “Мен ұсынар бір кітап…” атты READx жобасы өтті. Жобаға қала мектептерінен 13 кітапханашы қатысып, өздері оқыған кітаптарын ұсынды. Мектептен кітапханашы Каримова Әсел Тлеубаевна қатысып, өзінің ұсынар кітабымен таныстырды. Жобаға қалалық білім бөлімі ӘК меңгерушісі Т.Р.Байжигитова және әдіскері З.Д.Накипова қатысып, қатысушыларға С.Керімбайдың «Бейсен және Болмыс» кітабын талдауды ұсынды.

#оқуғақұштарлық
#менұсынарбіркітап
#ziatkerlikmodernizasia
#readх
#ziatkerlikmodernizasia23
#goroo_krg @umckrg @uo_krg
@goroo_krg

Кітапхана - кітаптардың ордасы,
Білсең кітап - нағыз жол басшы.
Н.Ә.Назарбаев

                               Каримова Әсел Тлеубайқызы  

Шын мәнінде сарқылмайтын бір ғана қазына бар – бұл кітапхана. Пьер Буаст

Кітап — ақылды қуаттандыратын құрал. Я.А. Каменский

Адам баласы үшін кітап – тілсіз тәрбиеші. Абай Құнанбай

№ 5 ҚББМО-ның кітапханасы 1986 жылы құрылған.

Кітапхана туралы мағлұмат:

Оқулықтар                                                  20197 дана

Кәсіптік  әдебиеттер                                  14639 дана

Оқырмандар                                                600

                     Аумағы                                                        126 шаршы метр

Оқу залындағы орындар                            12

Компьютерлер                                            6 дана

Принтер                                                       1 дана 

Кітапхананың негізгі міндеттері:

• Педагогтар мен оқушыларды кітапханалық және ақпараттық-библиографиялық қызмет көрсету арқылы оқу – тәрбиелік үдеріс пен өз бетінше білімін жетілдіруді қамтамасыз ету.
• Әлемдік және қазіргі заманға сай балалар әдебиеті арқылы адамгершілігі мол, дені сау, шығармашылықпен ойланатын тұлғаны қалыптастыру, балаларды жүйелі кітап оқуға тарту.
• Көпұлтты мәдени қарым – қатынасты, Қазақстан халықтарының әдеп – ғұрпын тәрбиелеп,  қала тарихы бойынша әдебиеттерді насихаттау.
• Оқымандар арасында ақпараттық мәдениеті мен оқу мәдениетін, ақпаратты бағалау, оқушылардың бойына өз бетінше білімді жинақтауды қалыптастыру.

Кітапхана – ақыл мен білім ордасы

   «Кітап – білім бұлағы, білім  –  өмір  шырағы» деген ұлағатты сөзде қаншама мағына, қаншама терең ой жатыр десеңізші?! Өйткені адамзат баласына керекті рухани байлықтың бәрі кітаптан табылады. Ал енді білімнің қайнар бастауы болып саналатын кітапты сақтайтын, жинақтайтын, оны оқырманына жеткізетін қасиетті орын – кітапхана. «Адамға ауа қандай қажет болса, кітапхана да сондай қажет» деген көрнекті жазушы Оралхан Бөкейдің сөзі кітапхананың өмірдегі орнын дәл айқындап тұрған жоқ па? Бүгінде ғылыми-техникалық прогресс пен адамзат өркениеті қаншалықты жедел қарқынмен дамып, әлемді ақпараттық технологиялар билеп, кез келген кітаптың мәтінін  әп-сәтте интернеттен тауып алатын жағдайға жетсек те, кітапхананың орны бөлек. Қалаған кітабыңды қолыңа ұстап, парақтап оқып, керекті ойларыңды белгілеп, жазып алып, еркін пайдаланғанға не жетсін?! Интернет қорында да ондай жағдай бар-ау, бірақ кітаптың аты кітап қой! 

    Кейінгі жылдары «Мәдени мұра» мемлекеттік бағдарламасы аясында халқымыздың мыңдаған жылдық мұрасы жүйеленіп, зерттеліп, жүздеген томдар жарық көрді. Кітапханамыз осы бағдар­лама аясында, қорды өз елімізде шық­қан және қазақ тіліндегі әде­биеттермен мүмкіндігінше толық­тыруға, жинақтауға, сақтауға, насихаттауға қол жеткізді. Бұл іс – кітапханадағы қазақ тіліндегі кітап қорын толықтыруға мемлекет тарапынан көрсетілген қамқорлық.  

   Біз кітапхананы ақыл-білім, адамгер­шілік ордасы деп білеміз. Ал кітап­ханашыларды сол ешқашан жоғалмауға тиісті асыл қазынаның сақшылары деп санаймын» деп белгілі жазушы, қоғам қайраткері Ә. Кекілбаев айтқандай, инабатты да білікті, еңбекқор да табиғатынан зиялы, кез келген қиындыққа төтеп бере алатын кітапханашылардың игілікті істері қоғамға әрқашан қажет. Ендеше, білім бұлағының қайнар көзі – кітапханамыз сарқылмай, өркендей берсін.

Кітапхананың электронды ресурсы:

      Кітапхананың қорында  60 данадан  астам аудио – видео дисктер, сонын ішінде педагог құрамын мен ақушыларды аса қызықтыратын электронды  оқулықтар бар. Қосымша дисклері бар оқулықтармен де қамтылған.

     Кітапхана жұмысын жеңілдету үшін алты компьютер жабдықталған. Барлық компьютерлер интернет жүйесіне қосылған.

Кітапханамыздың мақсаты: Қазақ әдебиетінің қазыналы туындыларын насихаттау, оқу мәдениетін қолдау және дамыту, жастарды рухани және патриоттық тәрбиеге баулуға бағыттау. Ел болып оқитын кітаптар үлкенді сыйлау, сөз тыңдау, ата дәстүрін құрметтеу сияқты дәстүрлерге мән беруге, рух, жан тазалығын, шынайы қасиеттерді сүйіп, толғанулармен оқырман жүрегінде орын табады деген сеніммен көркем әдебиеттер тізімін ұсынамыз:

Мектеп жасындағы балаларға ұсынылатын ынталандырушы кітаптар тізімі.

Тәрбиешілерге оқуға ұсынылған  мотивациялық кітаптар тізім