Мартбек Мамыраев атындағы мектеп-интернатындағы «Сөз өнері» үйірмесі – оқушылардың сөйлеу мәдениетін дамытып, көркем сөз арқылы шығармашылық қабілеттерін шыңдауға бағытталған рухани-шығармашылық орта.
Үйірменің негізгі мақсаты – балалардың дауысын дұрыс қою, сөйлеу техникасын жетілдіру, сахна мәдениетін қалыптастыру және жүргізушілік өнерге баулу. Сабақ барысында оқушылардың дикциясы, тыныс алу дағдылары, дауыс ырғағы, мәтінді мәнерлеп оқу қабілеті жүйелі түрде дамытылады.
«Сөз өнері» үйірмесіне қатысушылар түрлі мәдени-көпшілік іс-шараларда, концерттер мен мерекелік бағдарламаларда жүргізуші ретінде шығып, сахнада өзін еркін ұстауды үйренеді. Үйірме жұмысы балалардың өзіне деген сенімін арттырып, ойды анық әрі әсерлі жеткізе білуіне, эстетикалық талғамы мен шығармашылық белсенділігінің қалыптасуына ықпал етеді.
Біз үшін «Сөз өнері» – тұлғаның рухани әлемін байытып, сөз құдіретін сезінетін, мәдениеті жоғары жас ұрпақты тәрбиелейтін маңызды шығармашылық алаң.
