АСЫЛ ӘЖЕЛЕР КЛУБЫНЫҢ ЖЫЛДЫҚ ЖҰМЫС ЖОСПАРЫ 2025-2026 ОҚУ ЖЫЛЫ
М.Мамыраев атындағы мектеп- интернатындағы Ата- аналарды педагогикалық қолдау орталығының “Даналық мектеп” аясында “ Асыл әжелер” клуб мүшелерінің және интернат оқушыларының қатысуымен “Ұлттық қолөнер - ұрпаққа мұра” тақырыбындағы іс- шараға Қазақтың ұлттық құндылығын дәріптейтін “Дарабоз” қоғамдық қорының негізін салушы және құрылтайшысы Жакупова Асемгуль Кадетовна мен тәрбиелік мәні зор кездесу өтті.Кездесу барысында Асемгуль Кадетовна халық қазынасы болып саналатын ұлттық қолөнерді насихаттау мақсатында атқарылып жатқан істері жайлы терең мағлұмат бере отырып ұлттық бұйымдардың жасалу жолдарына тоқталып өтті.Оқушылвр қонаққа көкейлерінде жүрген сұрақтарын қойып тұшымды жауаптар алды.Іс- шара барысында
Директордың тәрбие ісі жөніндегі орынбасары Кулшат Қайратқызы қолөнермен ұлттық құндылықтарды танытып,насихаттаудағы ізгі істеріне сәттілік тіледі.Алдағы уақытта “Дарабоз” ұлттық қоғамдық қорымен мектеп арасында тұрақты байланыс орнатсақ деген ниетін де білдірді.Іс шара соңында оқушылар мақал- мәтелдер айтып,әндерін шырқап көпшіліктің қошеметіне бөленді.
М.Мамыраев атындағы мектеп- интернатындағы Ата- аналарды педагогикалық қолдау орталығының “Даналық мектеп” жобасы аясында “ Асыл әжелер “ клуб мүшелерінің интернат оқушыларының қатысуымен “Салауатты тамақтану- ұлт саулығының негізі” тақырыбында тәрбиелік мәні зор іс- шара өтті.Мектеп медбикелері Баяхметова Марал Азильхановна, Акимжанова Сауле Жамбуловна салауатты тамақтанудың маңызы мен негізігі қағидаларын,ұлттың денсаулығы әр адамның дұрыс тамақтануымен байланысты екендігі туралы кеңінен мағлұмат бере отырып, өз ой- пікірлерімен бөлісті.Өз кезегінде оқушыларда көкейлеріндегі сұрақтарын қойып ,салған суреттерін қорғап,өлеңдері мен мақал- мәтелдерін айтып қызығушылықтарын көрсете білді.
М.Мамыраев атындағы мектеп- интернатындағы Ата- аналарды педагогикалық қолдау орталығының “Даналық мектеп” жобасы аясында “ Асыл әжелер” мүшелерінің қатысуымен “Отбасы тәрбиесінің алтын қазықтары” тақырыбында тәрбиелік мәні зор іс- шара өтті.
1–қазан Халықаралық қарттар күніне орай М.Мамыраев атындағы мектеп-интернатында Ата-аналарды педагогикалық қолдау орталығының «Даналық мектеп» жобасы аясында «Асыл әжелер» клубы, «Ниет» жобасының жетекшілері ардагер ұстаздар мен 9 «б» сынып оқушыларының қатысуымен «Қарттарым – асыл қазынам» атты мерекелік іс-шара өтті.
Ардагер ұстаздар мен әжелерге оқушылар көкейлеріндегі сұрақтарын қойып, тағылымды жауаптар алды.
Балалар жүрекжарды өлеңдерін оқып, әсем әндер орындап, қонақтарға шаттық сыйлады.
Қадірлі қонақтар ақжарма тілектерін білдіріп, жас ұрпаққа баталарын берді.
Жылы лебізге, әуезді ән мен ізгі тілекке толы мерекелік іс-шара қонақтар мен оқушылардың жүрегінде ерекше әсер қалдырды.
М.Мамыраев атындағы мектеп- интернатындағы Ата-аналарды педагогикалық қолдау орталығының «Даналық мектеп» клубының аясында «Асыл әжелер» мүшелерімен кездесу ұйымдастырылды.Отырыс барысында жылдық жоспармен таныстырылып, мақсат, міндеттері айқындалды. Отбасындағы дәстүр мен тәрбиенің шамшырағы, даналықтың бастауы,үлгі мен өнегенің таптырмас қазынасы. «Асыл әжелер» клубының жұмысын жүзеге асырып , жандандыруға, клуб мүшелері өз ой- пікірлерімен,ұсыныстарын ортаға салды.
24-ші қарашада М.Мамыраев атындағы мектеп-интернатында «Ата-аналарды педагогикалық қолдау орталығы» аясында құрылған «Асыл әжелер» мектебінің кезекті іс-шарасы бойынша ақ жаулықты асыл әжелеріміз оқушыларды қазақ ұлтына тән салт-дәстүрлердің ішінде көнеден келе жатқан жоралғылар – бесікке салу, ұршық иірудің қыр-сырымен, шығу тарихымен таныстырып өтті. Бесікке салу немесе бесік той дүниеге сәби келіп, туған-туыстың жиналып, нәрестені бесікке салу дәстүрі екенін айта келіп, бесікке қалай бөлеу керек екенін түсіндіріп, бесікке бөлеуге қажет құрал- жабдықтармен таныстырды. Ақ жаулықты аналарымыз ұршық иірудің де қыр-сырына тоқталды. Ұршық – жүнді иіріп жіп жасауға арналған жеңіл құрал екенін айта отырып, ұршықпен калай жіп жасауға болатынын жіпті иіріп отырып оқушыларымызға көрсетті. Тоқыма тоқу да – ертеден келе жатқан қолөнер түрі. Бұл өнерді меңгеріп алған адам қалаған уақытта өзіне не жақынына сый тарта алады. Әжелеріміз осы іс-шарада оқушыларымызға тоқыма тоқуды да үйретуді бастап кетті. Іс-шараға оқушыларымыз зор ықыласпен, қызығушылықпен қатысып, үлкен әсер алды.
20-шы қарашада М.Мамыраев атындағы мектеп-интернатындаата-аналарды педагогикалық қолдау орталығы аясында құрылған « Асыл әжелер» мектебінің кезекті іс-шарасы бойынша « Қариясы бар үйдің қазынасы бар» тақырыбында дөңгелек үстел өткізілді. Іс-шараға мектебімізде балалары, немерелері білім алып жатқан ардақты асыл әжелеріміз қатысты.Іс-шара барысында ардақты әжелеріміз бала тәрбиесіндегі әженің рөлі туралы айта келе,ұрпақ тәрбиесі, қыздардың имани қасиетін дамыту, отбасы құндылығы , салт-дәстүрге, ұлттық қолөнерге байланысты құнды ,өнегелі пікірлерін ортаға салды. Мақсатымыз - ұлттық құндылықтарымызды балаларымыздың бойына сіңіру, насихаттау және осы орайда балаларды құрақ-көрпе құрудың, ою-өрнек жасаудың, ұршық иірудің қыр-сырларымен таныстырып, олардың жасалу жолдарын үйрететін тәрбиелік маңызы бар шараларды көптеп ұйымдастырамыз деп өз ойларын білдірді.
