МЕЙІРІМДІ АНАЛАР КЛУБЫ ЖҰМЫСЫНЫҢ ЖОСПАРЫ 2025-2026 ОҚУ ЖЫЛЫ
Мейірім аналар клубының жұмысы
"Мейірім аналар" клубы отбасы құндылықтарын нығайтуға, ана мен бала арасындағы өзара түсіністік пен жағымды қарым-қатынасты қалыптастыруға, аналардың тәрбиелік, психологиялық және әлеуметтік сауаттылығын арттыруға бағытталады.
Клуб жұмысы ата-аналардың бала тәрбиесіндегі жауапкершілігін күшейтуге, отбасындағы қолайлы психологиялық ахуалды қамтамасыз етуге және әлеуметтік қолдауды қажет ететін отбасыларға жүйелі көмек көрсетуге негізделеді.
Клуб қызметінің негізгі басым бағыттары:
– ана рөлін қоғамда қолдау және нығайту;
– бала тәрбиесінде мейірімділік, түсіністік және жауапкершілік қағидаттарын басшылыққа алу;
– аналардың өзара тәжірибе алмасуына жағдай жасау;
– отбасы мен білім беру ұйымы арасындағы серіктестікті дамыту.
«Мейірім аналар клубы» тәрбиелік, психологиялық, рухани-адамгершілік және әлеуметтік қолдау бағыттарын кешенді түрде жүзеге асыра отырып, саналы әрі жауапты ата-ана мәдениетін қалыптастыруды көздейді.
Қаңтар айында М.Мамыраев атындағы мектеп-интернатында ата-аналарды педагогикалық қолдау орталығы аясында құрылған «Мейірімді аналар» клубының кезекті іс-шарасы бойынша «Ананың алақаны балаға айдынды қоныс» тақырыбында пікірталас, дөңгелек үстел өткізілді. Іс-шараға мектебімізде балалары білім алып жатқан ардақты аяулы аналарымыз қатысты. Іс-шара барысында аяулы аналарымыз бала тәрбиесіндегі ананың рөлі туралы айта келе,ұрпақ тәрбиесі, қыздардың имани қасиетін дамыту, отбасы құндылығы, салт-дәстүрге, ұлттық қолөнерге байланысты құнды , өнегелі пікірлерін ортаға салды.
Аналарымыз клуб жоспарымен толықтай танысып,ойларын бөлісіпөтті. Алдағы уақытта баланы тәрбиелеу,ұлттық құндылықтары жеткізу мақсатында түрлі сайыс, мастер класстар өткізу жоспарланды.
Аналарымыздың көңіл-күйлерін көтеру,бір-бірімен таныстыру мақсатында түрлі тренингтер өтті.
Мақсатымыз - ұлттық құндылықтарымызды балаларымыздың бойына сіңіру, насихаттау және осы орайда балаларды тамақ жасау, ою-өрнек жасаудың, құрақ көрпе тігудің қыр-сырларымен таныстырып, олардың жасалу жолдарын үйрететін тәрбиелік маңызы бар шараларды көптеп ұйымдастырамыз деп өз ойларын білдірді.
https://www.instagram.com/reel/C2ZzGV5MJTY/?igsh=MWpnNmoycG5ia2d5bw==
