«АДАЛ ҰРПАҚ» ЕРІКТІ МЕКТЕП КЛУБЫНЫҢ ЖЫЛДЫҚ ЖОСПАРЫ 2025-2026 ОҚУ ЖЫЛЫ
Мартбек Мамыраев атындағы мектеп-интернатындағы «Адал ұрпақ» еріктілер клубы – оқушыларды адалдыққа, әділдікке, отансүйгіштікке және азаматтық жауапкершілікке тәрбиелеуге бағытталған маңызды қоғамдық-тәрбиелік бірлестік.
Клуб жұмысының негізгі мақсаты – жас ұрпақтың бойында сыбайлас жемқорлыққа қарсы мәдениетті қалыптастыру, заңдылықты құрметтеу, адамгершілік құндылықтарды нығайту және белсенді өмірлік ұстанымын дамыту. Үйірме мүшелері түрлі еріктілік шараларға қатысып, танымдық кездесулер, пікірталастар, акциялар мен тәрбиелік іс-шаралар ұйымдастырады.
«Адал ұрпақ» еріктілер клубы арқылы оқушылар өз ойларын еркін жеткізіп, көшбасшылық қабілеттерін дамытады, қоғамға пайдалы істерге атсалысады. Клуб жұмысы оқушылардың құқықтық сауаттылығын арттырып, адал еңбек пен әділ қоғам құндылықтарын бойына сіңіруге ықпал етеді.
Біз үшін «Адал ұрпақ» – ел болашағына сеніммен қарайтын, саналы да жауапты жас азаматтарды тәрбиелейтін рухани алаң.
