«Кітап оқитын ұлт» жобасы аясында ұйымдастырылған мұғалімдер мен оқушылардың бірлескен кітап оқу және талдау іс-шарасы мазмұнды әрі танымдық деңгейде өтті.Кітап талдау барысында мұғалімдер шығарманың идеялық мазмұнына, тәрбиелік мәніне терең тоқталып,оқушыларды ой айтуға,пікір алмасуға бағыттады.Оқушылар өз кезегіндегі кейіпкер бейнесін саралап,ой-түйіндерін ортаға салды. Осындай мазмұнды талқылаулар кітапты терең түсінуіне ықпал етті.
«Айгерім» бөбекжай балаларымен «Менің сүйікті ертегім» атты бірлескен сурет көрмесі өтті. Бұл көрме - балалардың ертегі әлеміне жасаған ғажайып саяхат. Әр сурет мейрімге, жақсылыққа және қиялға толы. Балалардың өз ойларын бояу арқылы жеткізе білуі-үлкен жетістік. Балалар экраннан ертегілер тамашалады.
8 ә сынып оқушылары Қасым Қайсеновтың «Жау тылындағы бала» шығармасын талқылады. Бұл шығармада соғыс жылдарындағы баланың тағдыры, ерлігі мен төзімі әсерлі суреттелетіні жайлы айтты. Талқылау нәтижесінде оқушыларды кейіпкердің батылдығы, қиындыққа мойымауы және отансүйгіштігі ерекше қызықтырды. Шығарма жас ұрпақты елін сүюге, сабырлы әрі жауапты болуға тәрбиелейді
Қыс-тыныштық пен терең ойға кітаппен сырласуға, арман құруға ең қолайлы мезгіл «Қыста оқы,ойлан арманда» гайдбугы-оқушыларды қысқы демалыс кезінде кітап оқуға ынталандыру, ойлау, қабілетін дамыту және болашаққа арман құруға бағытталған құрал.
Кітапханада оқушылар кітап оқып, оқыған кітаптарынан қысқаша мазмұнын баяндап, бастауыш сынып оқушылары «Арманда» тақырыбында оқыған кітаптарынан сүйікті кейіпкерлерінен сурет салып,«Айгерім» балабақшасынан жоғары топ балалары кітапханаға экскурсия жасады, отбасымен кітап оқыды.
«Айгерім» бөбекжай балалары кітапханаға, спортзалға және асханаға үлкен қызығушылықпен экскурсия жасады. Кітапханада кітаптармен танысып, спортзалда дене қимылдарының маңызын түсінді, ал асханада дұрыс тамақтану туралы мәлімет алды. Экскурсия барысында балалардың танымдық қабілеті артып, жаңа әсер алды. Мұндай іс-шаралар балалардың жан-жақты дамуына оң әсер етеді.
Бауыржан Момышұлының 115 жылдығына орай 9 «А» сыныбында жазушының «Ұшқан ұя»кітабы талқыланды. Сабақ барысында оқушылар шығармадағы отбасы тәрбиесі, ұлттық құндылықтар, ана мейірімі мен адамгершілік қасиеттер туралы ой бөлісті. Кейіпкердің балалық шағы арқылы берілген тәрбиелік мәні терең тұстарға талдау жасалып, Бауыржан Момышұлының тұлғалық қалыптасуына әсер еткен орта жайында пікірлер айтылды. Талқылау оқушылардың кітапқа деген қызығушылығын арттырып, патриоттық тәрбие берудің маңызын көрсетті.
Кітапханада «Кітап оқитын ұлт» жобасы аясында 6 «Б» сынып оқушыларының қатысуымен М. Әуезовтың «Көксерек» повесі талқыланды.
Талқылау барысында шығармадағы адам мен табиғат арасындағы тартыс, қасқырдың табиғи болмысы және адамдардың әрекетінің салдары туралы терең ой қозғалды. Әртүрлі көзқарастар айтылып, әр оқушы өз ойын еркін жеткізе алды.
Әр бейсенбі сайын үзілісте «Кітап оқыған адам-табысты адам» атты сыныппен кітап оқу сағаты аясында
10 а сынып оқушылары арасында Сапарғали Бегалиннің “Шоқан асулары” шығармасына талқылау сағаты өтті. Ол – қазақтың ұлы ғалымы Шоқан Уәлихановтың өмірі туралы жазылған көркем-танымдық шығарма.
Ұлы ғалым Шоқан Уәлихановтың балалық шағынан бастап, ғылымға жол салған кезеңдері, ел аралап, дерек жинаған зерттеушілік еңбегі туралы. Шығарманың негізі идеясына тоқталу мақсатында оқушылар жұппен талқылау жасады:
-Білімге құштарлықтың маңызын көрсету;
-Халыққа адал қызмет ету – азаматтың басты борышы екенін білдіру;
-Шоқанды ұлт мақтанышы етіп таныту;
-Шыңғыс сұлтан отбасында дүниеге келуі;
-Ерте кезден оқуға, сурет салуға, ғылымға қызығуы;
-Кадет корпусында білім алып, орыс
зиялыларымен араласуы;
-Қырғыз, қазақ елдерін зерттеп, халық ауыз әдебиетін жинауы;
-Қашқария сапарына барып, ғылыми үлкен ерлік жасауы. Оқушылар өмір белестерін баяндап, оның “асулардан” өткен тұлға екенін көрсетті.
Әр бейсенбі сайын үзілісте «Кітап оқыған адам-табысты адам» атты сыныппен кітап оқу сағаты бойынша 9Б сынып оқушылары «Бақытсыз Жамал» романын талқылады.
Мақсаты: Міржақып Дулатовтың 140 жылдығына орай оның алғашқы қазақ романы «Бақытсыз Жамал» шығармасын оқушылармен бірге талқылау, көркем шығарма арқылы ұлттық рух, отбасылық құндылықтар мен әйел теңсіздігі мәселелері талқыланды.
Іс-шара барысында оқушылар романның мазмұнын қысқаша айтып беріп, негізгі кейіпкерлерді (Жамал, Ғалим, Әбдірахман) талдады. Жамалдың өмірі арқылы қазақ қоғамындағы әйел теңсіздігі, ескі салт-дәстүрдің зияны туралы пікірлер ортаға салынды.
Мұғалімдер Міржақып Дулатовтың өмір жолына тоқталып, оның ағартушылық, қоғам қайраткері ретіндегі рөлі жайында әңгімеледі.
Көптеген оқушылар Жамалдың тағдырына жанашырлық танытып, бұл оқиғаның қазіргі қоғамда да маңызы бар екенін айтты. Кейбірі «егер Жамал заманауи қоғамда өмір сүрсе, тағдыры басқаша болар ма еді?» деген сұрақ төңірегінде ой бөлісті.
«Балалар кітапханасы» жобасы аясында күзгі демалыс кезінде «Демалыста кітап оқимыз» тақырыбы бойынша кітап оқыды.Шара барысында жас ерекшеліктеріне қарай көркем әдебиеттермен танысып,өздері оқыған кітаптары бойынша ой бөлісті,әсерлерін ортаға салды
Кітап оқитын ұлт!» жобасы аясында мектебіміздің 6 а сынып оқушылары Бердібек Соқпақбаевтың “Менің атым Қожа” повестін талқылады.
Оқушыларды кітап оқуға баулу;Қожаның бейнесі арқылы адамгершілік,жауапкершілік, еңбекқорлық сияқты қасиеттерді ұғындыру;
Кітаптың адам өміріндегі орнын түсіндіру.
Мектепте «Балалар кітапханасы» жобасы аясында «Өзің оқы және өзгеге ұсын» буккроссинг акциясы ұйымдастырылды.
Оқушылар өздерінің сүйіп оқыған кітаптарын басқада оқырманмен бөлісті.
