"ЖЫР ЖАЛЫН" ПОЭЗИЯ ӘЛЕМІЖОБАСЫНЫҢ ЖОСПАРЫ
«Өлең – сөздің патшасы, сөз сарасы» көркем сөз оқу сайысы. Шығармашылық айымен қатар келген, ақиық ақын М.Мақатаевтың мерейтойы мектепшілік мәнерлеп оқу сайысына ұласты. Дода қатысушыларын көркем сөз оқу шеберлері ме дерсің?! Мәнері мен әуезділігі, сахналық шеберлігі мен мәдениеті жағынан көрермендер мен қазылар алқасын тәнті етті. 1-кезеңнен соң кідіріс жасап, күні кеше мектеп намысын қалалық “Мұқағали оқуларында” биік ұстап, 3-орынды қанжығаға байлаған мектеп оқушысы Амантаева Асылайға сөз кезегін ұсындық. Қалалық сайыстың өту барысын баяндаған Асылай, жүргізушілердің қолқалауымен ақынға жазған арнау өлеңін паш етті. “Білімді мыңды жығар” атты 2-кезеңнен де қатысушылар сүрінбей өтті.
Айта кетейік, бүгінгі мазмұны биік поэзия кешінде арнаулы қонағымыз, дәстүрлі әнші Қуандық Төкенов келіп, ақынның сөзіне жазылған “Сәби болғым келеді” әнін әуелете орындады. Сөз соңында мектепшілік “Талап” дарынды балалар қоғамының белді мүшелері сарапшылық етіп, қазылар құрамындағы ұстаздар марапаттау рәсімін жүргізді.
Жылдар өтер... әлі небір ақындар дүниеге келер. Бірақ қара өлең құдіретін аспанға көтерген Мұқағали есімі қашанда биіктен көрінер.
Жыр жалын» үйірмесінің және «Бірге зерттейміз!» - «Талап» оқушылардың ғылыми қоғамының жетекшілігімен мұғалім мен оқушының бірлескен ғылыми жоба жұмысы бастау алды. Мұғалім мен оқушыны бірлескен ғылыми-зерттеу жұмысына баулу мақсатында ұйымдастырылған жоба – әр ай соңында қорғау отырысын өткізеді. Міндеті: мұғалім мен оқушылардың ғылыми – шығармашылық жұмыспен шұғылдануы, оқушылардың оқу үрдісін жетілдіруде және мамандық таңдауда да септігін тигізуі.
Зерттеу жұмысымен қатар, оқу жылының 2-тоқсанында оқушылар арасындағы көркем сөз оқу сайысы, 3-тоқсанда Мұқағали Мақатаев мерейтойына орай мектепішілік әдеби сазды кеш және 4-тоқсанда қорытынды кеш, марапаттау жоспарланды.
19.10 күні “Бірге зерттейміз!” мұғалім мен оқушының бірлесе зерттеу жұмысын жүргізу жобасының қазан айындағы отырысы ұйымдастырылды. Қатысушы ұстаздар мен оқушылар жоба тақырыптарының тереңдігі мен өзектілігі жағынан ерекшелене білді. Көрермендермен кері байланыс жүргізіліп, сұрақ-жауап алмасу сәті де белсенді түрде өтті.
