ОҚУҒА ҚҰШТАР МЕКТЕП ЖОБАСЫНЫҢ ЖОСПАРЫ
Жазушы этнограф ҚР Мәдениет қайраткері Қарағанды обылысының Құрметті азаматы Төрехан Майбастың «Алжыған ғасыр» кітабының түсау кесеріне қатысып қайттық.Төрехан Майбас ұзақ жылдар бойы Бәйсейіт би, Сеңкібай, Ағыбай, Жалантөс батырлар өмірбаяны сол кезеңдердегі тарихи фактілерді зерттеп, зерделеумен айналысты. Бұл – сөз өнері мен мәдениет мәйегі арасындағы қылдай нәзік шекараны батыл кесіп өтетін тұғырлы тұлға Төрехан Майбас. Оның кестелі ой орамдары елдік туа бітті тұнық дәстүр байлығын ғана емес, онымен қоса, даналық қайнарының еңселі ескерткіші қалпында халқына қызмет ете бермек.
«Оқуға құштар мектеп» жобасы аясында қазақ тілі және әдебиеті мұғалімі С.И. Абылғазин мен кітапханашылардың ұйымдастыруымен мектебімізде 9-10 оқушылар арасында Медеу Сәрсекенің « Қаныш Сәтбаев»роман эссесі бойынша конференция болып өтті.Бұл роман-эсседе тек Қаныш Сәтбаевтің өмірбаяны ғана емес, өмір сүрген кезеңіндегі елдің қал-ахуалы, саяси-әлеуметтік жағдайы, Қазақ жеріндегі ғылымның дамуы, саясат басындағылардың әділетсіздігі көрініс табады.
Оқушылар көрнекті ғалым ,қоғам қайраткері, Қазақстан Республикасы Ұлттық Ғылым академиясының тұңғыш президенті Қаныш Сәтбаев жайлы көп мағлұмат алып,өздерінің білетіндерін ортаға салып , конференция жақсы деңгейде өз мәресіне жетті. Қорыта келе айтарым, «Ел есімі – ер есінде» демекші, осындай шығармалардың арқасында академик Қ.И.Сәтпаевтың есімі ел жадында мәңгілік сақталмақ.
Мектебімізде «Кітап оқыған адам - табысты адам » атты оқу сағаты болып өтті. Мақсаты: Оқушыларды әдеби кітаптарды оқуға насихаттау арқылы олардың кітап оқуға сүйіспеншілігін арттыру,кітаптың адам өміріндегі маңызын түсіндіру.
«Оқуға құштар мектеп» жобасы аясында мектебімізде 11.01. күні «Кітап оқыған адам-табысты адам»атты оқу сағаты өтті
Мақсаты: Кітап оқу – жадыны және ойлауды дамытады. Яғни, көп оқыған адам жады мықты, тез ойлап, тез қорыта алады, талдауға, сараптауға, өзіндік жүйелі пікір қалыптастыруға үйретеді.
«Қыcта кітап оқимыз, жадымызға тоқимыз» атты қысқы демалыс кезінде оқушылармен және ата-аналарымен "Оқуға құштар мектеп" жобасын іске асыру мақсатында кітапханада және отбасында кітап оқу ұйымдастырылды.
Толеранттық онкүндігінде кітапханада «Біз әр түрліміз,бірақ теңбіз»атты кітап көрмесі қойылды. Оқушылардың мүмкіндігі шектеулі жандардың қоғамға бейімделулеріне көмек көрсетуге, олардың бойындағы дарындылық пен өмірге деген құштарлығын көре білуге,қоғамда өз орны бар екендігіне сенімді болуларына жәрдем беруге, бауырмалдыққа,кішіпейілдікке баулу.
22.11.23 күні мектебімізде «Оқуға құштар мектеп» жобасы аясында Оралхан Бөкейдің туғанына 80 жыл толуына орай «Атаукере» драмасы бойынша оқырмандар конференциясы өтті. О.Бөкей өз шығармаларына ауыл тақырыбы мен адами құндылықтарды мейлінше арқау еткен жазушы.Ол кісінің адам дүниесіне үңіле білуі бөлек бір өнер дермісің. «Атау кере» хикаятының ең негізгі көтерген тақырыбы – адамның адамгершілік болмысы, қаймағы бұзылмаған табиғат аясында барлық бәле-сұмдықтан алыс, өз қиялымен өзі қолымен жасап алған «жұмбақ» әлемінде күн кешкен адамдардың іс- әрекеті суреттелген. Оқушылар әр кейіпкердің тұлғалық қасиетін жеке –жеке талқылап, қаламгер сомдаған кейіпкерлерін өздерінің ішкі болмысы арқылы сыртқы шындық өмірдің жұмбақтарын түсіндіріп ашуға тырысты , оқырмандарды қызықтыра білді. Конференция мәнд,і әрі мағыналы болып оқырман жүрегінен орын тапты.
9.11 .2023 күні «Кітап оқыған адам-табысты адам» атты оқу сағаты өтті. Барлық сынып оқушылары бірдей бір мезетте сыныбымен кітап оқыды.
Мақсаты: Оқушыларды әдеби кітаптарды оқуға насихаттау арқылы, олардың кітап оқуға сүйіспеншілігін арттыру.
«Оқуға құштар мектеп» жобасы аясында мектебіміздің 3 сынып оқушылары Абай кітапханасында Жеңіс Қашқыновтың өлеңдерінен сайысқа қатысты. Абай кітапханасының мамандары жазушының өмірі мен шығармаларымен, кітаптарымен таныстырды оқушылар көп мәлімет алып жақсы көңіл күйде оралды.
Оқуға құштар мектеп « жобасы бойынша Оқушылар буккроссинг бұрышында оқыған кітаптарын
Өздерінің кітаптарын қойып,орнына кітап алып оқыды.
Мақсаты: Кітап сөресіндегі кітаптарды жинақтау,өздері оқыған кітаптарын сөреден алып оқу және оқыған кітаптарын басқа оқушыларға жарнамалап, ұсыну.
Мектебімізде әр бейсенбі күні «Кітап оқыған адам - табысты адам »атты оқу сағаты өтті. Мақсаты: Оқушыларды әдеби кітаптарды оқуға насихаттау арқылы олардың кітап оқуға сүйіспеншілігін арттыру, кітаптың адам өміріндегі маңызын түсіндіру.
Күзгі табиғат аясында «Республика күніне орай» мұғалімдер мен тәрбиеші Гулзада апай интернат тәрбиеленушілерімен бірге оқыған кітаптарымен бір бірімен алмасып кітап оқыды. Мақсаты: Оқушыларды өз Отанын сүйюге, қазақ екенін, Қазақстанда тұратынын мақтаныш етуге, туған халқының тілін, мәдениетін, салт – дәстүрін қастерлейтін саналы да парасаты азаматтар тәрбиелеу. Сонымен бірге оқырмандарды кітап оқуға қызықтыру және шақыру.
«Оқуға құштар мектеп» жобасы аясында мектебімізде бүгін ,яғни әр бейсенбі сайын оқушылар ,мұғалімдер, кызметкерлер «Кітап оқыған адам-табысты адам»атты оқу сағатында бір кісідей кітап оқыды. Мақсаты: Оқырмандарды кітап оқуға насихаттау және оқуға шақыру. Кітап оқуға басшылық жасау.
«Оқуға құштар мектеп» жобасы аясында мектебімізде «Кітап оқыған адам-табысты адам»атты әр бейсенбі күні оқу сағаты өтеді. Мақсаты : Оқырмандардың әдеби кітапқа деген құштарлығын арттыру.Оқыған кітаптарын талдай отырып,рухани-тәлім тәрбиелеу,кітап оқуға баулу.
«Оқуға құштар мектеп» жобасы аясында «Абайдың қара сөзі-тәрбие көзі» оқулары өтті. Мақсаты: Абай атамыздың қара сөздерінің тәрбиелік мәнін түсіну,адамгершілік тәрбие берудегі ақынның философиялық маңызын түсінуге үйрету.
«Оқуға құштар мектеп» жобасы аясында «Маманға жүз сұрақ » атты Болашақ Академиясының Қазақ тілі мен әдебиеті кафедрасының меңгерушісі, профессор Құрманғазы Зәкірұлы Сембиевпен кездесу өтті
Отбасы күніне «Отбасым бақыт мекені» атты көрме ұйымдастырылып, «Оқуға құштар мектеп» жобасы аясында « Мен және менің отбасым» қандай кітап оқиды? отбасымен қандай кітап оқитыны жайлы сұхбат жүгізілді. Мақсаты;Оқырмандарды отбасымен кітап оқуға шақыру. Оқушыларды жас кезінен отбасымен кітап оқуға дағдыландыру. Кітапхана мен отбасы арасындағы тұрақты қарым-қатынасты қалыптастыру.
«Оқуға құштар мектеп» жобасы аясында Оралхан Бөкейдің туғанына 80 жыл толуына орай кітаптарынан көрме ұйымдастырылып,оқушыларға шығармаларына шолу жасалды. Мақсаты: Оралхан Бөкейдің өмірі мен шығармашылығы туралы мағлұмат беру.
«Оқуға құштар мектеп» жобасы аясында Тілдер күніне байланысты «Тілім менің тірегім»Ахмет Байтұрсыновтың шығармаларына көрме жасалып,шолу жасалды. Мақсаты: Оқушыларға ана тілін білудің маңызы жайлы айту, ана тілін үйрету, Ақын өмірі мен шығармаларымен таныстыру.
Оқуға құштар жобасы аясында мектебіміздің 3 қабатында буккроссинг бұрышы жасалған .Онда «Өзің оқысаң,өзгеге табыс ет!»деген ұранмен оқушылар өз оқыған кітаптарын әкеліп қойып,сол жерден кітап алып оқиды.
