"Мұғалімнің өздігінен білім алуы " жобасы аясында 09.02.2023ж М.Мамыраев атындағы мектеп-интернатында "Оқушылардың қызығушылығын арттыру арқылы білім сапасын көтеру" тақырыбында пікірталас өтті. Пікірталас әдістемелік бірлестік мүшелері арасында өткізілді. "Комплимент " әдісі арқылы бір- біріне жақсы лебіз айтуымен басталған бұл жұмыс Ұлы Абайдың ойымен жалғасты
"Терең ойдың түбінде теңіз бар,
Тесіле көп қараса ,көңіл ұғар " .
Тартысқа толы бұл пікірталас ұстаздардың көңілінен шығып, жақсы " ой қоржынымен " тарасты.
"Мұғалімнің өздігінен білім алуы " жобасы аясында 2023 жылдың қаңтар айында М.Мамыраев атындағы мектеп-интернатында "Заманауи жас маман" тақырыбында мектепішілік байқау өтті. Ұстаздықты жүрек қалауымен таңдап, жоғары оқу орындарын ойдағыдай аяқтап, ортамызға келіп еңбек жолын жаңа ғана бастап жатқан жас мамандар өз кәсібін қаншалықты сүйіп таңдағандығын сайыстың кезеңдерінен өту кезінде жан-жақты көрсете білді. Сайыс соңында жоба жетекшілері жас ұстаздарға шығармашылыққа толы еңбек тілей отырып марапаттады.
