Ерікті үйірмесі

Ерікті (волонтер) – латынның «voluntaries» деген сөзінен шыққан. Яғни өз еркімен ақысыз қызмет көрсетіп, қоғамдық жұмысқа белсенді араласушы адам. Бұл бағытта адамның жасы, жынысы, білімі немесе қаржылық жағдайы маңызды емес. Бастысы – таза ниетпен қолдан келетін іспен көмектесу. Еріктілікпен ұйымдар арқылы, ынталы топтармен немесе жеке де айналысуға болады. Мұндай қызмет түрлерінің аясы өте кең. Мысалы әлеуметтік, спорттық, шаралық, экологиялық, медициналық, қайырымдылық секілді көптеген түрі бар.

Волонтер сөзі әлемде алғаш рет 1600 жылы қолданылған. Әуелгіде соғыс кезінде майданға өз еркімен сұранып барғандарды ерікті деп атаған. Кейіннен барлық салаға ешкімнен қайтарым күтпей жұмыс істейтін адамды осылай атау қалыптасқан. 1970 жылы БҰҰ жанынан «Біріккен Ұлттар Ұйымының волонтерлері» деген атаумен халықаралық ұйым құрылған. Ұйымның басты мақсаты – әлемдегі еріктілердің басын қосып, олардың қызметін жан-жақты дамыту. Сол жылдан бастап әлемнің барлық елінде 5 желтоқсанда халықаралық еріктілер күні аталып өтіледі.

Мақсаты:

Салауатты өмір салты идеясын насихаттау,  қоғам үшін өз еркімен еңбек ету арқылы, оқушылардың жоғары адамгершілік қасиеттерін дамыту; әлеуметтік, экологиялық, гуманитарлық, мәдени-білімділік, ағартушылық және т.б. жобаларда балалардың, жасөспірімдердің және жалпы халықтың денсаулығын жақсартуға байланысты мәселелерді шешуге оқушыларды тарту.

 Міндеті:

Оқушылардың  спорттық, шығармашылық және басқа да секцияларда, үйірмелерде және факультативтерде жұмыспен қамтылғанмен қатар, олардың:

- отанға деген сүйіспеншілікті қалыптастыратын жұмыстарда;

- қайырымдылық акцияларда;

- ауылдың мәдени тұрмыс-салты мен дәстүрлерді жандандыру шараларында;

- концерттер мен сайыстарда қатысып жұмыс жасауы қарастырылған.

  Парызы:

1. Сенің көмегіңе мұқтаж адамды тауып қол ұшын бер, қамқорлығыңа ал.

2. Өзіңе және қоршаған адамдарға пайдалы қызметтерде өзіңді аша біл.

3. Сенің күшің және сенің құндылығың сенің денсаулығыңда екенін есіңде сақта.

4. Өзіңді және жолдастарыңды сөзінен емес, нақты қарым-қатынасы мен іс-әрекетінен бағала.

Бүгінде әлем бойынша  1 млдқа жуық адам ерікті болып табылады. Ал Қазақстанда 16 мың төңірегінде екен. Президенттің пікірінше бұл өте  аз. Сондықтан бұл көрсеткішті 100 мыңға дейін көтеруге болады.

«Еріктілер лигасы»  үйірме мүшелерінің тізімі

1. Жамангарниа Аружан Нурбековна
2. Халиолла Мөлдір Саркенқызы
3. Шайхбек Мөлдір  Мақсатқызы
4. Аманжолова Гульнур Сунгатовна
5. Ержанова Акнур Еркебулановна
6. Нұрболатұлы Бекзат
7. Сапарова Нұрай Адельханқызы
8. Жұмагелді Ерқасым Ержанұлы
9. Сагындыков Алихан Нуркенович
10. Орал Нұрасыл Ерденұлы
11. Болатханқызы Таңнұр
12. Сейтқазы Саида Нұрдосқызы
13. Тажкен Айым Дарханқызы
14. Сабит Санжар Қуанышұлы
15. Ахметов Алихан Адильбаевич