26.02.2015 ж. №61ЖББОМ КММ тарих пәні мұғалімдерінің «Тарих сабағында оқушылардың негізгі құзыреттіліктерін қалыптастыру» тақырыбында кезекті қалалық семинары өтті. Семинар  жұмысын қонақтардың «ҰБТ-ге дайындалу кезеңінде білім алушыларда қандай құзыреттілік қалыптастыру қажет?» сұрағы төңірегінде топқа бөліну арқылы жалғастырды. Әр топтың пікірін сол топтың спикері хабарлады. Оқыту тілдеріне қарай 11 сыныптарда ашық сабақтар өткізілді. 11 а сыныбында II деңгейлік курста оқыған тарих пәні мұғалімі Мукашева Сағыныш Рымжанқызы «Саяси қуғын-сүргін және халықтар депортациясы» тақырыбында топтық оқыту және сын тұрғысынан ойлау элементтерін қолдана отырып сабақ өткізді. 9а сыныбында №39 Мағжан Жұмабаев атындағы гимназияның мұғалімі «Ресей»   тақырыбында        дәстүрлі сабақ үлгісін көрсетті. Семинарға қатысушылар ҚББ тарапынан ұйымдастырылған тәжірибе бөлісуге дән ризашылықтарын білдірді. Рефлексия жасалып, семинар жұмысы қорытындыланды.