Қазақстанда республикалық «Бір ел – бір кітап» акциясы 2007 жылдан бастап өткізіліп келеді. Акцияның мақсаты – ұлттық әдебиетіміздегі ең үздік деген туындыны оқу және насихат тау. «Бір ел – бір кітап» республикалық акциясы аясында, биыл «Жыл кітабы – 2017» таңдауы қазақ ақыны – демократ Сұлтанмахмұт Торайғыровтың шығармаларына түсті. 

     27 желтоқсанда №5 орта мектепте «Бір кітап - бір ел» дәстүрлі республикалық акциясы аясында С. Торайғыровтың шығармашылығына арналған «Мен жер бетінде күн болып көтерілер едім» атты әдеби сағаты өтті. Қазақ тілінің мұғалімі Смағұлова Г.Ж. кітапханашылар Тагаева Г.Е., Каримова Ә.Т. ақын-демократ, публицист, әдебиеттанушының шығармашылығымен, өмірбаянымен 6-7 сынып оқушыларына таныстырды. С. Торайғыровтың шығармалары жан-жақты, тақырыпқа бай, терең мазмұнды, олардың басты ерекшелігі - шындық, ұлт. Ақын өз халқының өмірін шынайы түрде бейнелейді, ол уақыт өте келе әлеуметтік және қоғамдық өмірдегі ең жанып тұрған мәселелерді көтереді. Слайд, деректі фильм үлгісінде С. Торайғыровтың өлеңдері, еңбектеріндегі құндылықтарды, адамгершілік адами бағдарларды: білімге, Отанға деген көзқарастары; С. Торайғыровтың қысқа өмір сүргеніне қарамастан, ол ұрпақтарына құнды әдеби мұра қалдырғаны туралы мәлімет берілді. «Сұлтанмахмұт Торайғыровтың шығармашылығы - жылдың кітабы»  – атты кітап  көрмесі  ұйымдастырылды.