Қазақстан жаңа жаһандық нақты ахуалда: өсім, реформалар, даму. Қазақстан Республикасының Президенті – Елбасы Н.Ә.Назарбаевтың Қазақстан халқына Жолдауы шеңберінде 2016 жылдың 22 қаңтарында КММ № 5 ЖББОМ ресурс орталығында сағат 10.00 – ден 17.00 – ге дейін Оңтүстік мөлтек аудан мектептерінің 9-10-11 сынып оқушылары, ата-аналары мен педагогикалық қызметкерлер үшін «Кәсіби таңдау Түлек – 2016: жұмыс,  инженер – техникалық мамандықтар, медицина және экономика» кәсіби – бағдар білім Көрме - жәрмеңкесі өткізілді.

Қатысушылар: Ы.Алтынсарин атындағы ұлттық білім академиясы, әлеуметтік серіктестіктер (ЖОО, колледждер, кәсіпорындар мен ұйымдар), халыққа қызмет көрсету орталығы, Оңтүстік мөлтек аудандағы мектептер, «Жас Орда» ҚарМТУ-нің студенттер белсенділері, КММУ, ККЭУ және ресурс орталығының «Танымгер» бірлестігінің оқушылары қатысты.

Көрмеге әлеуметтік серіктестіктер өздерінің ақпараттық стендтерін, презентацияларын, ұйым төлқұжатын, үлестіру материалдарын, студенттердің жобаларын, ОБК (оқу – білім кешендерін), аймақтың инженер – техникалық және жұмыс мамандықтарына тапшы екендігі туралы ақпаратты ұсынды.

 Кәсіби – бағдар білім Көрме – жәрмеңкесінің ерекшілігі оқушылар ЖОО,  колледждер, кәсіпорындар, ұйымдардың өкілдерімен кездесіп, олардан оқуға түсу ережелерімен таныса отырып, кең мағлұмат ала отырып, Қарағанды облысы аумағында тапшы мамандықтар мен бәсекеге қабілетті мамандықтары туралы мағлұмат алды. Осындай кәсіби бағдар жұмысы жоғарғы сынып оқушыларына болашақ мамандық таңдауда дұрыс және саналы бағыт беруге ықпал етеді.

Сонымен қатар бұл күні «Жоғарғы сынып оқушыларын кәсіби білім мен қызметке бағыттау және дайындау: жұмыс, инженер – техникалық мамандықтар, медицина және экономика» атты семинар - кеңесі өтті.

Семинар – кеңесте Ы.Алтынсарин атындағы ҰБА – ның білімді зерттеу орталығының директоры, педагогика ғылымының докторы, профессор Ибышев Ержар Садуахасович: Қазақстан Республикасының Президенті – Елбасы Н.Ә.Назарбаевтың Қазақстан халқына Жолдауында жарияланған «Қазақстан жаңа жаһандық нақты ахуалда: өсім, реформалар, даму» тақырыбы бойынша сөз сөйледі.

Мақсаты: Нарық заман талабына сай «Ресурс орталығы (мектеп) – кәсіби білім ұйымдары – жұмыс берушілер» білім кеңестігінде, әлеуметтік серіктестік, нақты жұмыспен қамтамасыз ету мекемелерімен бірлесіп жұмыс істеудің сыңдарлылық ауқымдарын іздестіру мәселесі көтерілді.

Көрмеге 1000 - нан астам жоғарғы сынып оқушылары, ата-аналар, педагогтар, кәсіби бағдар берушілер қатысты.