2026 жылдың 11 қарашасында «Балалар кітапханасы», «Кітап оқитын ұлт» және «12 айға 12 кітап» жобалары аясында «№5 ҚББМО» КММ кітапханашылары 3«А» сынып оқушыларымен (с.ж.:А.А.Кенжеева) бірлесіп «Даланың дара ұстазы» танымдық сағат өткізді. Шара қазақ халқының аса көрнекті ағартушы-педагогы, жазушы, этнограф, фольклоршы және ұлттық мектептің негізін қалаушы Ыбырай Алтынсариннің өмірі мен шығармашылығына арналды.
Шара барысында балаларға ұлы ақынның ғибратты өмір жолы мен бай әдеби мұрасы туралы танымдық бейнеролик көрсетіліп, оқушылар Советбек Мади, Ғабдолла Бейбарыс жазушының өлеңдерін мәнерлеп жатқа оқып, көпшіліктің ықыласына бөленді. Кішкентай өнерпаздар: Мұратбек Садрия, Жанат Еркегүл, Рысбекұлы Шыңтас, Саматов Жантөре автордың «Әке мен бала» әңгімесінен тәрбиелік мәні зор көрініс қөрсетті. Шара соңында оқушылар назарына «Ыбырай Алтынсарин–қазақ халқының ағартушысы» атты кеңейтілген кітап көрмесі ұсынылып, шолу жасалды.

#Ыбырай_Алтынсарин185жас #МектепКітапханаларАйлығы_2026 #кітап_оқитын_ұлт #12айға_12кітап #кітапхана_krg_sch5