2019 жылы қараша айының 16 жұлдызында №5 ЖББОМ-те «Ұлы дала мұрагерлері» атты форум өткізілді.

 Іс-шараның мақсаты: Тұңғыш Президенті Жолдауына сәйкес Ұлы даланың тарихына, салт-дәстүріне, өнері мен фольклорына, музыкасына, Ұлы есімдеріне, сондай-ақ тарихи сананы жаңғыртуға арналған ұстаным тұжырымдарды саралау, тарихымызды тереңнен тануға өскелең ұрпақты бағыттауға. Ата-анамен бірлесе жұмыс жасау.

 Оркестрдің сүйемелдеуімен қонақтарды қарсы алып https://youtu.be/0rO3PprTGlg, мектеп директорының  құттықтау сөзімен ашылып, мектеп туралы бейнефильм көрсетілді.

 Іс-шараның аясында «Қаражоға биі» флешмоб, оқушылар жұмыстарының көрмесі, «Буккроссинг» жобасында  «Кітаппен сырласу», «Мен оқыдым, саған да ұсынамын», «Сұрақ бізден, жауап сізден» зияткерлік ойындары, робототехника саласындағы оқушылар жұмыстарының тұсаукесері, «Мен-зерттеуші» жобасы бойынша оқушылардың  ғылыми-ізденушілік жұмыстары, «Спорт әлемі» спорттық секциялар, дзюдо, тхэквандо, шахмат, тоғызқұмалақ, қазақ ұлттық ойындары, ұлттық салт-дәстүрлер мен әдет-ғұрыптардың иллюстрациялары, тренингтер, шеберлік сабақтары, коучинг, факультативтік сабақтар, сынып сағаттары, ата-аналарға арналған тренингтер, «100 кітап» жобасында  қазақ, орыс, ағылшын тілдерінде әдеби сағат, «Арт студия және әуен» жобасы бойынша «Бояудағы көңіл» тақырыбындағы концерттік бағдарламасы өткізілді.