Биылғы жылдың 1-тамызынан 30 қыркүйегіне дейінгі аралықта республика бойынша «Мектепке барар жол» атты қайырымдылық акциясы жүргізілуде. Аталған акцияның мақсаттары: мектеп жасындағы барлық балаларды орта біліммен қамту проблемаларына жұртшылықтың және тұрғын халықтың назарын аударту; міндетті орта білім алуға барлық азаматтардың құқығын қамтамасыз ету жөнінде ақпараттық және түсіндірме жұмыстарын жүргізу. Осы мақсатпен қайырымдылық акцияларына кәсіпкерлерді, меценаттарды, демеушілерді ынталандыру жұмыстары жүргізіліп жатыр. Біздің мектебімізде де: табысы төмен отбасынан шыққан мектеп оқушыларына қолдау көрсету және әлеуметтік себептерге байланысты мектепке бармай қалудың алдын алу мақсатында іс-шара ұйымдастырылуда.