Қазақстан  - бұл 150 ұлттар мен ұлыстар  мекен ететін, көп ұлтты  мемлекет.  Осы халықтардың біртұтастығы үшін еліміздің үкіметі әртүрлі шаралар өткізеді, сонын бірі – Қазақстан халықтарының Бірлік Күні мерекесі.

Мерекенің ресми күні – 1 мамыр. Кеңес дәуірінде бұл күн барлық еңбекшілердің ынтымақ Мерекесі деп аталатын. Бүгінде бұл күн – Қазақстан жерінде мекен ететін барлық халықтардың бірлік мерекесі. Осы көктемгі жарқын мереке Қазақ елінің әр қаласында тойланады, қаланың орталық көшелерінің бойынша  саптық шеру өтеді, сондай – ақ көптеген көңілді шаралар болады.

Қазақстан халқын басқа ұлттардың дәстүрімен таныстыру мақсатында, мерекеге әртүрлі мәдени орталықтар қатысады,  бұның өте үлкен маңызы бар.Көңілді билер, спорттық жарыстар – осының бәрі Қазақстан халықтары үшін  ең сүйікті және жарқын мерекелі шаралар  болып табылады.