Іс-шараның негізгі мақсаты-кәмелетке толмағандар арасындағы құқық бұзушылықтардың алдын алу, олардың қауіпсіздігін қамтамасыз ету, сондай-ақ жасөспірімдердің құқықтық мәдениетінің деңгейін арттыру.

Рейдтік іс-шаралар барысында полиция қызметкерлері кәмелетке толмағандардың түнгі уақытта заңды өкілдерінің еріп жүруінсіз тұрғын үй-жайлардан тыс болу, олардың ойын-сауық және қоғамдық орындарға бару фактілерін анықтайды. Бір мезгілде есепте тұрған жасөспірімдермен, сондай-ақ қолайсыз отбасылармен жұмыс жүргізіледі.

Іс-шара оқу орындарын, жаппай демалыс орындарын, аула аумақтарын және тұрғын үй секторын қамтиды, құқық бұзушылықтардың алдын алуға және кәмелетке толмағандардың құқықтарын қорғауға бағытталған.