Қарағанды қаласындағы №13 ЖББОМ-ң 5 сыныбында Қазақстан Республикасының Тәуелсіздігі күніне арналған «Шәмшінің әнімен келген тәуелсіздік» атты сынып сағаты болып өтті.

       Сынып сағаты Қазақстан Республикасының әнұранымен басталды. Оқушыларға бұл өлеңнің желтоқсан оқиғасы кезінде жастарға рух беріп, алаңға шығарған ән екенін айта отыра, композитор Шәмші Қалдаяқовтың өмірі негізгі әннің шығу тарихы баяндалды.

  Ал  сынып оқушылары еліміздің ең басты мерекелерінің бірі тәуелсіздік мейрамына арнап өздерінің жүрек-жарды өлең шумақтарын оқыды. Сонымен бірге Отандарына деген сүйіспеншіліктерін сурет арқылы жеткізді.

  Сонымен бірге «Желтоқсан желі» атты бейнефильм көрсетілді. Оқушыларға тәуелсіздіктің оңай келмегендігі жайында, енді осы еліміздегі бейбіт өмірді көзіміздің қарашығындай сақтау керегіміз туралы айтылды.

  Сынып сағаты ән мен күйге ұласып, балалар бейбітшілік ағашына Отандарына деген сүйіспеншіліктерін, игі тілектерін ілді.

 Тәуелсіз еліміздің әнұранына айналған Ән аға, Шәмші ағаның әнімен басталған сынып сағаты  әр оқушының жүрегінен орын алғаны байқалды.