№13 жалпы білім беретін орта мектебінде 15 қыркүйек 2014 жылы қазақ тілі пәнінен 8 сынып оқушыларымен мектеп кітапханасында  Қазақстан Республикасындағы «Тілдер күні» мерекесіне  орай қазақ тілі мұғалімі  Оспанова Тойжан Кеңесқызы «Тіл –достықтың дәнекері » тақырыбында кітапханашы Н. В. Орловамен бірлесіп ойын-сабақ өткізді. Сабақтың мақсаты: оқушылардың тіл туралы білімдерін кеңейту, шығармашылық қабілеттерін дамыту, тілге деген қызығушылықтарын арттыру, ұлттар арасындағы достықты нығайту.  Сабақ барысында оқушылар әр ұлттың тілінде өлең-тақпақтар оқып,  тілдер тарихымен терең танысты.  Наталья Викторовна Орлова оқушыларға  әр ұлттың  тарихы мен мәдениеті туралы  қысқаша айтып өтті. Негодаев Алексей, Тукенова Елена  қазақ тілінде,  Ставрова Ольга ағылшын тілінде тақпақ оқыды. Сабақта сұрақ-жауап әдісімен ойындар ойналды. Оқушылар өз тілдерінде өздері туралы айтып өтті.  Сабақ өте қызықты өтті.