Бүгін 7 «Ә» сыныбында 1 қазан – Халықаралық қарттар күніне арналған «Өсетін елдің қарттары қазына болар» атты сынып сағаты өтті. Оқушылар алдын ала тәрбие сағаты материалдарымен таныстырылды. Тәрбие сағатының мақсаты өскелең ұрпақты үлкен кісілерге ізеттілік көрсетуге тәрбиелеу. Екіншіден, бұрынғы және қазіргі таңдағы қарттардың қоғамдағы орны салыстыра отырып, бұрыңғы ата-бабамыз салып  кеткен салған сара жолдан адасып қалмау туралы айтылды. Яғни, бүгінгі жас ұрпақ ертеңгі елдің асыл қазыналы қарттарына айналуы тиіс екені түсіндірілді.