Қазіргі уақытта Қарағанды қаласыныңбілім бөлімімен жалпы оқу қоры есебінен аз қамтылған және көп балалы отбасыларға материалдық көмек көрсету жалғасуда. Бұл үшін жергілікті бюджеттен бір балаға 30000 теңге көлемінде  қосымша қаражат бөлінген. Аталған көмек түрімен 4000-ға жуық аз қамтылған және көпбалалы отбасылардың балалары қамтылатын болады. Аталған көмек мемлекеттік атаулы әлеуметтік көмек алуға құқығы бар отбасылардан шыққан балаларға (МӘК), мемлекеттік атаулы әлеуметтік көмек алмайтын, жан басына шаққандағы табысы ең төменгі күнкөріс деңгейінің шамасынан төмен отбасылардан шыққан балаларға, жетім балаларға, ата-анасының қамқорлығынсыз қалып, отбасыларда тұратын балаларға, төтенше жағдайлардың салдарынан шұғыл жәрдемді талап ететін отбасылардан шыққан балаларға, білім беру ұйымының алқалы басқару органы айқындайтын білім алушылар мен тәрбиеленушілеріне беріледі. 

     Ол үшін ата-аналарға,баласы оқитын мектепке келіп,өтініш жазып,қажетті құжаттарды тапсыру қажет.   

   Сонымен қатар, оқу жылында аталған санаттағы балалар тегін ыстық тамақтанумен қамтылады.  

Балаларға бірге көмек жасайық!