22 қараша күні №13 ЖББОМ кітапханасында 5«ә» және 6«ә» сынып оқушылары арасында Алаш қозғалысының қайраткері, қазақ халқының лирик ақыны Мағжан Жұмабаевтың туғанына 125 жыл толуына арналған «Өлеңмен өрнектелген өмір» атты әдеби сайыс сағаты өтті. Шараның мақсаты - қазақ халқының біртуар ақынының өмір жолымен жақын таныстыру және өлеңді мәнерлеп оқу шеберлерін анықтау болды. Кітапханашы Г.С.Біләлова шараның бірінші бөлімінде слайд көрсету арқылы ақын Мағжан Жұмабаевтың өмірбаяны мен шығармашылығы туралы мәлімет беріп, кеңінен таныстырды. Мағжан ақын өмір сүрген дәуір мен оның өмірінің қайғы-қасіреті, 60 жылдан кейін қайта оралған есімдер қатарына жататыны жөнінде әңгімеленді. Балалар М.Жұмабаевтың шығармаларымен және әр жылдарда жарық көрген кітаптарымен таныстырылды. Шараның екінші бөлімінде 5«ә» сынып оқушысы Ж.Темірбекова, М.Джанкеева және 6«ә» сынып оқушылары А.Амантаева, А.Каримхожина, Ж.Мендулла, Ә. Төлеутай т.б. ақын өлеңдерін мәнерлеп оқудан сайысқа түсті. Сайыс нәтижесінде әділқазылар алқасының таңдауымен Амантаева Аружан жеңімпаз атанды және Темірбекова Жұлдыз бірінші орынға ие болды.