14 қараша күні мектеп кітапханасында 2 «ә» сынып оқушыларын оқырман қатарына қабылдау мақсатында«Түрлі-түсті кітаптар әлемінде» атты кітапханаға саяхат іс-шарасы өтті. Балалар кітапхана қызметін пайдалану ережелерімен және жас оқырманның құқық-міндеттерімен таныстырылды. Шара барысында кітапханашы Г.С. Біләлова оқушыларға  кітап түрлері мен мазмұндары туралы, кітаптардың орналасуы, оқу залы мен абонемент жұмысы туралы әңгімеледі. Оқушылар кітаптың «Қалың-жұқа, биік-аласа, үлкен-кіші» т.б. түрлерін салыстыру ойынына қызыға қатысты.  Кітап көрмелерін тамашалап, Қазақстан Республикасының Ұлттық валютасы – теңгенің 25-жылдығына орай дайындалған «Теңгенің тарихы» атты көрме аясында әңгіме-викторина өткізілді. Қорытындысында бастауыш сыныпқа арналған «Менің алғашқы кітабым», «Ертегілер елінде», «Менің Отаным-Қазақстан»  серияларының  түрлі-түсті кітаптарымен жақын танысты.