№ 13 мектептегі буккроссинг акциясының алғашқы аптасында мектеп кітапханашысы мен сынып жетекшілері әр сыныптың оқушыларымен және ата-аналармен түсіндіру жұмыстарын жүргізді. Нәтижесінде балалар достарымен өздері оқыған қызықты кітаптарымен бөлісуде. Кітапханада арнайы ашылған «Буккроссинг» сөресіне әкеліп қойылған кітаптар жаңа оқырмандарға жол тартады. Өткен аптаның қорытындысы бойынша оқушылар мен мұғалімдер барлығы 30 кітапты алмастыруға алып келді. Оқушыларға буккроссинг кітаптарын өз кітаптарымен алмастырып, кітапханаға жаздыртып алып оқи бастады. Оқу акциясына балалар жас ерекшеліктері мен қызығушылықтарына, оқу қабілетінің деңгейіне  қарамастан, еркін қатыса алады. Ең бірінші буккроссерлер 3«ә» сынып оқушысы Теңізбаев Нұрдәулет және 5«ә» сынып оқушысы Темірбекова Жұлдыз болды. Апта бойы белсенділік танытқан  2 «а» сыныбы, оның ішінде оқушылар Турнова К., Маурер П., Райц Е., Петухова М., Ержан А., Лячина Е., Чумак В. өте қызықты кітаптарымен бөлісті. Сондай-ақ, 6«ә» сынып оқушысы  Саметова Адель және 7«а» сынып оқушысы Бондарев Сергей белсенді буккроссерлер қатарынан көрінді.

Акция жалғасын табуда, барлық сыныптарды мектепішілік кітап алмасу акциясына белсене қатысуға шақырамыз.