2018 жылғы 15 қазан күні №13 ЖББОМ кітапханасының ұйымдастыруымен «Буккросинг» акциясының ашылу салтанаты өтті.

Акцияның ұраны:Барлық әлемді кітапханаға айналдырайық!

      Буккроссинг дегеніміз не?Ағылшын тілінен аударғанда «кітап әлемі» деген ұғымды білдіреді.  Буккроссинг - кітаптың айналыста жүруі - «өзің оқысаң, өзгеге табыс ет» қағидасына негізделген хобби және адам мен кітаптың арасын жақындататын, кітап оқуға шақыратын қоғамдық қозғалыстардың бірі.        

      Буккроссингтің ережесі бойынша, кез-келген адам өзі оқып бітірген бір кітабын қоғамдық көпшілік орындарда (саябақ, кафе, мектеп, кітапхана және т.б.) қойып кете алады, кейін бұл кітапты тауып алған басқа адам оқиды, оқып болған соң, ол да сол кітапты орнына тастап кетеді, дәл осылай ол кітапты басқа оқырман оқи алады. Негізі, «буккроссингтің» басты мақсаты ол - үйімізде шаң болып жатқан немесе оқылған кітаптарға «екінші өмір сыйлау».

       Құрметті мұғалімдер, ата-аналар және оқушылар, өздеріңіз  оқып болған қызықты кітаптарыңызды мектеп кітапханасында ашылған «Буккроссинг» сөрелеріне қойып, орнына сол сөреден басқа бір кітаппен алмастырып алуға болады.  Оқып болған соң қайта орнына әкеліп қою керек, ол кітапты басқа балалар да оқуы тиіс. Акция оқу жылы бойына осылай жалғаса береді және жыл соңында ең белсенді қатысқан оқырмандар анықталып, марапатталады.

Барлықтарыңызды мектепішілік кітап алмасу шарасына қатысуға шақырамыз!