Ұланымыз ұлы елдің

Бүгінгі таңда жастардың бойында патриоттық сезiм мен азаматтықты қалыптастырудағы әскери-патриоттық тәрбиенің рөлі ерекше. Ауған соғысының аяқталғанына 27 жыл толуына байланысты «№68 «Мектеп-интернат-бала бақша» кешені» оқушылары арасында алғашқы әскери дайындық мұғалімі Садвакасов Куан Кинаятовичтың бастауымен «Ұлан» патриоттық  әскери-саптық шара болып өтті.

Өткізілген «Ұлан» әскери-патриоттық шараның мақсаты: білім алушыларды Отансүйгіштікке тәрбиелеу, Отан алдындағы жауапкершілік сезімін қалыптастыру, Қазақстан халқының ұлттық, әскери және еңбек дәстүрлерін жалғастыру болып табылады.

Әскери-саптық шара кезінде 11 команда көрермендерге өздерінің талапқа сай бөлімшенің сапқа тұруы; сыртқы көрінісі; саптық жаттығулар; ән мен саптық байқауға дайындығы туралы бөлімше командирінің рапорты; бір орында және қозғалыстағы бұрылулар; жауынгерлік сәлемдесу рәсімі және ән айтып өту кезеңдерін ұсынды.

Өткізілген іс-шараға Ауған соғысының ардагерлері шақырылды. Қонақтар оқушылардың өнерлерін жоғары бағалады. Ойын қорытындысы бойынша 4 командалық жүлделі орын анықталды. «Үздік шебер капитан» номинациясы бойынша  5ә сынып оқушысы Несіпбаев Ерхан анықталды. 9б сынып командалары бірінші орынды жеңіп алса, екінші орынды 8а командалары қанжығасына байлады. Үшінші орынды 5б, 9а сынып оқушылары місе тұтты. Жарыс жеңімпаздары мадақтама қағаздарымен марапатталды.