1 мамыр Қазақстан халқының бірлігі күні қарсаңында оқуда озат, қоғамдық шараларға белсене араласатын оқушыларды «Жас ұлан» бірыңғай балалар мен жасөспірімдер ұйымына салтанатты қабылдау шарасы өтті. Бұрынғы «Жас ұландықтар» мен мұғалімдер 120 оқушыға салтанатты түрде «Жас ұланның» галстугын және төс белгісін тақты.Кешен директоры Мухтаров Жандил Ахуанович  әрбір балаға оқуда озат болыңдар деп, тілектестігін білдірді.Жасұландықтар «Жас ұлан»  ережесін бұлжытпай орындауға және Отанына талмай қызмет етуге салтанатты түрде ант берді. Осылайша кешеніміздің Жас ұландары «мәңгілік ел ұландары боламыз» деп сендірді.