Жеңістің 70 жылдығына орай елімізде соғыс ардагерлерін ұлықтап, қолдау бойынша жалпыұлттық акция өтіп жатқаны баршамызға мәлім. Осыған орай 2015 жылдың 13-18 сәуір аралығында №68 МИББ кешенінде «Көктемгі мейірімділік» апталығы ұйымдастырылды. Ауқымды шараға мектебіміздің оқушылары ат салысты. Өткен апталықтың басты мақсаты - отан үшін от кешкен батырлардың ерліктерін еске алып, ұрпақтар сабақтастығын паш ету болатын.

«Үлкендерді құрметтеу - өнеге бастауы» демекші «Жас Ұлан» ұйымының оқушылары қарттарға арнайы барып, көмек көрсетті. Кешеніміздің 9 а сынып оқушылары тыл ардагері Горячева Зоя Василевнаның үйіне барып, қол ұштарын беріп, құрмет көрсетілді.

Сондай-ақ, шара барысында ардагерлер қауымына медальдар табыс етілді. Ардагерлерге құрмет көрсетіп  жатқаны үшін, Мемлекет басшысына алғысын айтты. 

Осындай мейірімділік акциялары жас ұрпақтың бойына отансүйгіштік, мейірімділік пен әділдік сезімдерін ұялатып, Отанына және өз борышына адалдық қалыптасады. Ардагерлерге құрмет көрсетуді парыз деп санаймыз. Сондықтан соғыста ерлік жасаған батырларды құрметтеу- үлкен мәртебе.