«Қызым - қызғалдағым, ұлым - ізгі арманым» атты мерекелік кеш өтті.

«Қозы Көрпеш-Баян сұлу күні» мерекесі қазаққа қажет. Өйткені қазіргі заманда техника дамып, қазақтың салт-дәстүрі біртіндеп ұмытылып бара  жатыр. Сол мақсатпен кешеніміздің «Жас Ұрпақ» ұйымының ұйымдастыруымен 2015 жылдың 15 сәуірінде кешенімізде «Қозы Көрпеш Баян сұлу» күніне орай «Қызым - қызғалдағым, ұлым - ізгі арманым» атты мерекелік кеш өтті.

Бұл шараның мақсаты: халқымыздың інжу маржан сөз қазынасына, ауыз әдебиеті арқылы ұрпақтан ұрпаққа жеткен салт-дәстүрімізді, әдет-ғұрыптарымызды дәріптеу. Оқушылар салт дәстүрге байланысты түрлі  кезеңдерден өтіп,  арнайы марапаттарға ие болды. I орынды 7 б сыныбы иеленсе, II орынды 8 а сыныбы, III орынды 9 б сыныбы қанжығасына байлады.

Бұл  кеш қазақтың жастарының санасына ұлттық дәстүрді сіңіру үшін қажет. Қазақ еліне мұра болатын үлкен салт-дәстүрлерді жаңғырту, насихаттау керек. Бұл — үлкен мағынасы бар, ұлт жастарына рух, патриоттық сезім берген кеш болды деген ойдамыз.

«Жас Ұрпақ» ұйымы адам атаулының туған жерге, ата-анаға, досқа, мектеп, ұстазға, ғашық жандардың таза, мөлдір, мәңгілік махаббатына еш қылау түспесін, қыздарымыз қызғалдақтай құлпыра берсін, ұлдарымыз ізгі армандарды орындай берсін деген ақ тілектерін арнайды.