«Біз – таза қала үшін!» ұранымен  жалпықалалық сенбілік өтті.

2015 жылдың 18 сәуір күні кешенімізде «Біз – таза қала үшін!» ұранымен жалпықалалық сенбілік өтті.Кешеніміздің қызметкерлері мен оқушылары жалпықалалық сенбілікке біркісідей ат салысып, өздеріне бекітілген аумақтарды тазарту жұмыстарын жүргізді. Бұл күні қаламыздың негізгі көшелері мен аула алаңдары қыс бойы жиналып үлгерген қоқыстардан арылып, таза кейіпке енді. Қызу еңбектің арқасында саяжолдар мен саябақтар да тазартылды. Барлығы алғашқы жалпықалалық сенбілікке 50 еңбек ұжымдары, 500 оқушы ат салысты.

Жұмыс барысында көшелер қыстан кейін кәдімгідей жаңарып қалды. Қызметкерлер мен оқушылардың жүргізген қызу тазалық жұмыстарынан соң айнадай жарқырады. Таңертеңгі сағат 9-дан бастап сенбілікке қатысып, өз аумақтарынан қоқыс-қалдықты шығарып, ағаш түптері тазартылып, ортақ үйіміздің әсемденуіне бір кісідей атсалысты. Шынымен-ақ, жалпықалалық сенбілік басталысымен жер-жерде қарқынды түрде тазалық жұмыстары атқарылды.

Қала тазалығын сақтауда маңызы ерекше болып табылатын келесі сенбіліктерге барлық қала тұрғындарын атсалысуға шақырамыз.