№68 МИББ кешенінде «Ардагерлер қасымызда» атты  ауған соғысы ардагерлерімен кездесу өтті. Бұл шараның мақсаты: өз Отанына шексіз берілген , патриоттық рухы жоғары, қайсар жауынгерлердің  ерлігін үлгі ету. Оқушыларды Отансүйгіштікке баулып, жас ұрпаққа патриоттық тәрбие беру.  Интернат тәрбиешісі Рахимжанова Айгүл Халелқызының ұйымдастыруымен №24 «Қызғалдақ» тобында «Ардагерлер қасымызда» атты кездесу өтті. Бұл кездесуге ауған соғысының ардагерлері Мартбек Мамраев шағын ауданының тұрғындары Махамбетшин Аманжол, Уахитов Еркін шақырылды. Қанды соғысқа бел буып, батырлықпен ,қайсарлықтың үлгісін көрсетіп, қаһармандық танытқан, өздерінің Отан алдындағы парызын адал атқарғандары жайлы естеліктерін айтып, оқушылардың қойған сұрақтарына жауап берді.  Кездесуге оқушылар ,тәрбиешілер және ата-аналар қатысты.Топ оқушылары келген қонақтарға ән айтып, би билеп өз өнерлерін көрсетті.Кездесу өте қызықты да, тартымды өтті.