2014 жылдың 27 желтоқсанында мектебімізде оқитын бүлдіршіндердің «Әліппемен қоштасу» кеші салтанатты түрде өткізілді. Өтті оқу сан сабақ Бүгін үлкен салтанат. Оқулықпен достассақ, Әліппемен қоштассақ, Өсті білім, бойымыз. Құтты болсын тойымыз. Бүгін 1-сынып оқушылары өздерінің сүйікті Әліппелерімен қоштасып отыр. Кеше ғана мектеп табалдырығын имене аттаған жас бүлдіршіндер бүгінгі саналы оқушы болып, барлық ғылымның атасы, біздің болашағымыздың негізі – Әліппені бітіріп отыр. Оқушылар әліппені жақсы меңгеріп, сауатты жазып, оқып үйренді. «Әліппемен қоштасу» кеші өте қызықты өтті. Оқушылар ғана емес, сонымен бірге ата–аналар да белсене қатысты. Бұл мектеп ұстаздары, ата–аналар, оқушылар үшін маңызды сәт болып есте қалмақшы. Қош бол, құтты Әліппем! Көп нәрсені үйреттің. Таныстырып әріппен, Тақылдатып сөйлеттің.