1991 жылғы 16 желтоқсанда ел басымыз Н.Ә.Назарбаев қол қойған Конституциялық Заңнан бастау алған тәуелсіздігімізді алғанымызға бүгінде 19жыл толды. Ел тарихының жаңа беті ашылды. Содан бері сынатпай жылжып 19 жыл өте шықты. Өткен көш жолына көз жіберіп, таразы басына ұтыстарымыз бен ұтылыстарымызды салсақ, әрине өркендікті, жетілгендікті, халқымыздың тұрақтылығын көреміз және еліміздегі бейбітшілдікті мойындаймыз. Бұл біздің үлкен «Жеңіс». Осы тәуелсіздігімізге 19 жыл толу жеңіс шаттығы алтын ұя мектебім №68 МИББ кешеніндегі оқушылар мен ұзтаздарды да тағы бір рет қуантты. Желтоқсанның 15 жұлдызында, мектебіміздегі «Жас ұрпақ» ұйымының ұйымдастыруымен «Тәуелсіздіктің тұғыры-Желтоқсан» атты мерекелік іс-шара салтанатты түрде аталып өтілді. Жүргізуші Қазиева Эльмира мен Тилейхан Айнур мерекелік кештің мәнін аша түсті. Одан әрмен, әсем әнімен құлақтан кіріп бойды алған, кешеніміздің жұлдызы Сырымқызы Сая сынды әншілеріміз, өлең жырларымен жүректі жібіткен ақын жанды оқушыларымыз 8 «Б» сынып оқушылары кешті толықтыра барды. «Айя» тобының бишілері де, мың бұралған билерімен кешті жандандыра түсті. Алғаш рет мектебімізде 6 «А» және 5 «А» сыныптарының орындауында «Атамекен» әнімен хор болды. Бұл мерекелік кеш талантты оқушыларымыздың арқасында өте қызықты және әсерлі болып өтті. Көз алдымызға өз елі мен жерінің тәуелсіздігі үшін жанын қиған желтоқсан құрбандары, сол жылдардағы естен кетпес оқиғалар елестеді. Онымен, қоса Желтоқсанның 20 жұлдызы күні кешеніміздің тарих және орыс әдебиет пәнінен беретін Ш.Нұртай мен Ш.Майра мұғалімдердің ұйымдастыруымен Тәуелсіздікке конфференция өткізілді. Әрбір сыныптарда өткізілген сынып сағаттардан да оқушылар көптеген мағлұмат алды деп ойлаймын.