Бүгін Бірінші қыркүйек - Білім күні! Білім - игілік пен бірлік, білім - бақыт пен бақ, байлық пен дәулеттің негізгі көзі. Барлығымыз сағынышпен күткен «Сәлем саған , алтын ұя кешенім!» атты мерекелік шара өтті.Әр ұстаз, әр оқушы бұл мерекелі күнді ерекше үмітпен, есейген көңілмен қарсы алды. Осы күні кішкене бүлдіршіндер мектеп табалдырығын енді аттап «Мектеп» деген үлкен кемеге аяқ басады. Кешеніміздің табалдырығын 80 бүлдіршін аттап оқушы атанды. Мерекемізде бүлдіршіндерімізге арналған әндер орындалды, 11 сынып түлектері, 1 сынып оқушыларына өз тілектерін айтып, «Әліппе» оқулығын сыйға тартты. Білім күніне арналған алғашқы тәрбие сабақтары «Қазақстан-2050 Стартегиясы: Бір халық-бір ел-бір тағдыр» тақырыбында өткізілді.