Бірінші қыркүйек - Білім күні!

Білім - игілік пен бірлік, білім - бақыт пен бақ, байлық пен дәулеттің негізгі көзі. Кешенімізде барлығымыз сағынышпен күткен «Сәлем саған сүйікті, алтын ұя кешенім!» атты мерекелік шара өтті.Әр ұстаз, әр оқушы бұл мерекелі күнді ерекше үмітпен, есейген көңілмен қарсы алды. Осы күні 61 кішкене бүлдіршін кешеніміздің табалдырығын аттап, «Мектеп» деген үлкен кемеге аяқ басты. Мерекемізде бүлдіршіндерімізге арналған әндер орындалып, 11 сынып түлектері, 1 сынып оқушыларына өз тілектерін айтып, «Әліппе» оқулығын сыйға тартты. Білім күніне арналған алғашқы тәрбие сабақтары «Қазақстан-2050 Стартегиясы: "Бір- халық,бір - ел,бір - тағдыр" тақырыбында өткізілді.