2013 жылдың 26 жұлдызында №68 МИББ кешенінде «Ғылым таппай мақтанба...» деген  тақырыпта  2-10 кластар аралығында  ғылыми- зерттеу конференциясы болып өтті. Конференция жаратылыстану- математикалық және қоғамдық – гуманитарлық бағыттағы екі бөлімге бөлінді. Конференцияға оқушылар үлкен дайындықпен келген. Әсіресе 2 класта оқитын Божиг Ақнұр мен Амангелді Арайлым (жетекшісі АбдисаматоваГ.М.) тыңдармандар көңілінен шығып олардың сұрақтарына сенімділікпен жауап берді. Білім - ел қазынасы, халқымыздың білімділігі еліміздің байлығының ең маңызды бөлігі десек, білімнің негізі мектепте, яғни бар ғылымның бастауы – мектеп, «Елдің келешегі бүгінгі жастардың қолында, ал жас ұрпақтың тағдыры – ұстаздың қолында» деп Елбасы бізге үлкен міндет артып отыр. Егемен еліміздің болашағы, оның әлемдік өркениеттегі өз орны, ең алдымен білім мен тәрбиенің бастауы болатын – ұстаз қолында, сондықтан да біздің басты мақсатымыз – білім сапасын жақсарту-дейді осы конференцияны ұйымдастырушы  Жанат Мәдениетұлы.

Конференция соңында қатысушыларға рахмет айтылып, көпшілік алдында баяндама оқуға белсенді қатысқан үшін алғыс хаттар тапсырылды.