Онкүндік пен алкогольден  бас тарту ұлттық күнінің мақсаты мен міндеттері: Жұртшылықтың назарын алкоголь сусындарын тұтынудың ұлттық проблемасына, алкогольге қарсы заңнамалардың жүзеге асырылуына аудару. Алкоголь ішімдіктерін шамадан тыс тұтыну денсаулыққа қауіпті әсер ететіні туралы тұрғындардың хабардар  болу деңгейін арттыру, тұрғындарды алкоголь тұтынуды  төмендетуге  бағытталған  әрекеттерге жұмылдыру, салауатты өмір салтына тарту, өз денсаулығына деген азаматтық жауапкершілігін арттыру.

         Кешенде онкүндікке байланысты  жоспар құрылды.1-этаждағы тақтаға шараның тақырыбы мен алкоголь ішімдіктерін шамадан тыс тұтыну денсаулыққа қауіпті әсер ететіндігін айқындайтын  суреттер ілінді.

      Онкүндіктің алғашқы күні 10-11кластар арасында «Ғасыр дерті» деген тақырыпта  конференция өтті. Оқушылар өз ойларын салмақтап, бір-бірімен бөлісті. 23-қазан күні 9-кластар арасында «Бар қадірді жоғалтатын – алкаголь» тақырыбында ой бөлісу болды. Балалар мысалдар келтіре отыра, ішімдіктің кесірінен бар қадірден жүрдай болуға болатындығын дәлелдеді. Қазанның 24-і күні «Адам психикасының құпиялары» тақырыбында 9-11 кластар арасында кешен психологы семинар-тренинг өткізді. 25-қазан күні «Алкогольді тұтынудан бас тартамыз»  5-11 кластар арасында  медицина академиясының студенттері бейне-аудиороликтер көрсетті. 27-қазан күні «Ішімдік  және жастар: мәселелері мен оны шешудің жолдары» тақырыбында 5-9 кластар бойынша пікіралмасу болып өтті.

28-қазан күні «Ішімдік қоғам ағзасына түскен індет» тақырыбында 1-11 кластар бойынша класс сағаттары ұйымдастырылды. 30-қазан күні «Болашағың өз қолыңда» тақырыбында  8-10 кластар арасында дөңгелек үстел өткізілді. Болашақта осындай жаман әдеттерден сақ болу керектігін түйіндеді.

31-қазан күні  «Алкогольден бас тарту Ұлттық күні» тақырыбында кешен мен мөлтек аудан бойынша акция жүргізілді.

   Онкүндік аясында ұйымдастырылған шаралардың барлығы жоспар бойынша уақытында өз мәресіне жетті.