Дүниежүзілік дұрыс тамақтану күніне  байланысты. 2012 жылғы қазанның 15-і мен 24-і аралығында дұрыс тамақтануды насихаттау мен артық дене салмағының алдын алу бойынша онкүндігін өткізу жоспары құрылды.

 ДДҰ-ның тақырыбы: «Ауылшаруашылық кооперативтері әлемді тамақтандырады»

Ұраны: «Тамақтану – дұрыс, жақсы тамақтану – денсаулықтың берекесі»

Мақсаты: Оқушылардың дұрыс тамақтану туралы ақпараттануын,білім алу деңгейін арттыру және дұрыс тамақтану дағдыларын үйрету.

   Онкүндіктің алғашқы күні 1-11 кластарға «Дұрыс тамақтану мәселелері» тақырыбында дәрігерлік кеңестер берілді. Осы күні  Тамақтану тағамдарының пирамидасы бойынша қабырға газеті  рәсімделді. 16-қазан күні 1-11 кластар арасында «Дүниежүзілік тамақтану күні» тақырыбында жиын болды.

   Қазанның 19-ы күні «Тамақтану тәртібі» тақырыбында 1-2 кластармен әңгіме өткізілді. Қазанның 22-і күні «Қазіргі заманда дұрыс тамақтану мәселесі, жақсы тамақтану принциптері» тақырыбында 5-6 кластармен ҚарМУ волентерлары жұмыс жасады. Осы күні 1-11, балабақша оқушыларымен «Саламатты дастархан», диеталық, дәрумендік дастархан ұйымдастырылды.

«Дұрыс тамақтану мәдениеті» тақырыбында 3-4 кластармен дөңгелек үстел ұйымдастырылды. «Жақсы тамақтана біл» тақырыбында 7-8 кластар арасында пікіралмасу болып өтті. «Ас адамның арқауы» тақырыбында 9-11 кластармен семинар-тренинг ұйымдастырылды. «Денім сау болса деймін» тақырыбында 8-11 кластар аралығында конференция болып өтті.

Сонымен қоса, осы онкүндік аясында «Дұрыс тамақтану-ұлт денсаулығы», тақырыбында кітап көрмесі өз дәрежесінде ұйымдастырылды. Онкүндік аясында жоспарланған барлық шара өз уақытында орындалып, жоспарлы түрде өз мәресіне жетті.